Berrogeita lau zumaiarrek abizenak euskaraz jarri dituzte

Abizenak euskaraz jartzeko kanpainaren aurkezpena, urrian. /  UDALA
Abizenak euskaraz jartzeko kanpainaren aurkezpena, urrian. / UDALA

Udalak gogorarazi du interesdunek urte osoan egin ahal izango dutela aldaketa

DV ZUMAIA.

Zumaiako Udalak kanpaina bat antolatu zuen urrian, Euskararen Aholku Batzordearen ekimenez eta UEMArekin elkarlanean, hala nahi zuenak bere abizena euskaratzeko aukera izan zezan.

2017an guztira 44 zumaiarrek jarri dituzte euskaraz abizenak, aurreko urteetan baino 3-4 aldiz gehiagok, hain zuzen. Aldaketa noiznahi egiteko aukera dago, eta orokorrean nahikoa izaten da udaletxean errolda agiria eskatu eta NAN fotokopiarekin bake epaitegira joatea. Zalantzak ere han bertan argituko dizkiete interesdunei, goizez, aurrez aurre edo telefonoz deituta (943.860067).

Argibideak

Informazio gehiago jaso edota gaiaren inguruko zalantzak argitzeko, ohiko galdera-erantzunak eskura izango dira www.zumaia.eus webgunean edo euskaratxanpan@zumaia.eus helbidera idatziz.

Contenido Patrocinado

Fotos

Vídeos