Zumaiako Dantzari Txiki Eguna, bihar

Kalejiran geldialdiak egingo dituzte, besteak beste: Beheko plazako Txurre kioskoaren aurrean, parrokiaren aurrean, Ardantzabideko plazan eta Itzurungo hondartzan. Ondoren, Erribera kalean elkartuko dira eta handik Beheko plazaraino joango dira denak batera Beheko plazaraino, 12:45ean, dantza saioa egiteko. (Eguraldi txarra egingo balu, emanaldia kiroldegian egingo litzateke). Zumaiako dantzarien etxeetan bazkaldu ondoren, 16:30ean, Zumbalain dantza festa izango dute.

Txori Txiki Musika eta Dantza eskola duela hamar urte hasi zen euskal dantzak irakasten, dantza estilo hau herrian berreskuratzeko eta indartzeko helburuarekin. «Arrakasta handia du gaur egun. Hilabete honetan ikastaro gisa izango dugu Zumaian eta Oikian eta dagoeneko jende asko dago izena emanda. Beraz, oso pozik gaude», azaldu du Sofia Oriak, Txori Txiki eskolako zuzendariak.

Urtetako hutsunearen ondoren, orain dela hiru urte Zumaiako Musika eta Dantza eskolak Dantzari Txiki eguna berreskuratu zuen. Aurten, Txori Txikiko ikasleak Oiartzungo, Lesakako eta Beasaingo Dantzari Txiki Egunetan hartu dute parte eta Zumaiakoa izango dute azkena.

Bestetik, haur zumaiarren beste dantza emanaldiak ikusteko aukera izango da egunotan: ekainaren 14an, dantza emanaldia Odietan; ikasturte amaierako jaialdian edota San Juan Gueko ekitaldian.