Garazi Bergara txirrindularia, Gipuzkoako azpitxapelduna

Garazi Bergara Gipuzkoako azpitxapeldun gelditu da alebin mailako Gipuzkoako txirrindulari-tza txapelketan. Ataunen aurreko larunbatean zirkuito oso tekniko, eta erritmo aldaketa asko eskatzen zuen batean leihatu zen txapelketa. Neskek finalak jokatu zituzten zuzenean eta alebinetan 11 izan ziren parte hartzaileak, hiru nabarmenduz. Lasterketa erdia buruan egin zuten Malena Rodrigezek, Garazi Bergarak eta Arane Perezek; hiruretatik kilometro askotan ardura Zumaiako txirrindulari elkarteko-Viveros San Antongo Garazi Bergarak eraman zuen eta azkenean, esprintean, Arane Perezek aurrea hartu zion. Zumaiarrak bigarren sailkatu zen «baina lasterketan aurpegia emanez eta aginduz, eta kirolean adin honetan hori da garrantzitsuena, beraz bere zuzendaria Joseba Larrañaga harro zegoen txirrindulari gazteak egindako lanaz», dio Arritxu Iribarrek. Infantil mailan 15 parte hartzaileren artean Maddi Etxabe oikiarra 10. sailkatu zen, lasterketa pelotoian eginez, hori bai gogotik sufrituta eskuin horkatila minduta zuelarik.