Diario Vasco
Margotutako azken murala.
Margotutako azken murala. / KGD

Udalak beste mural bat ezabatu duela salatu dute

1937ko eta gaur egungo errefuxiatuak gogoan izan ziren igandean Zumaian. Herritar askoren ahotan izan zen gaia, mural berri bat ere margotu zen Erribera kalean 'Inor ez da ilegala' lelopean. «Astelehenean, xenofobia eta arrazakeriaren aurkako horma-irudia zentsuratu zuen Udal Gobernuak. Alkatea presente ez badago edo bere kontrolaren filtroa pasatu ez badu, herritarren aldarrikapen oro zikina dela erakutsi dute berriro ere», azaldu dute Kale Guztiona Da ekimenak komunikabideetara igorritako oharrean.

Igandean egindako muralak zabalpen handia izan zuen herrian eta sare sozialetan. Pertsona guztiok eskubide berberak ditugula eta inor, inon, ez dela ilegala esatearekin bat datorrelako jendartearen multzo handi bat, «eta seguruenik mezu hori adierazteko erabilitako molde artistikoa ere atsegina delako askoren begietara. Baina tamalez, aldarrikapen justu bat desagerrarazteko nahikoa da agintea duten pertsona gutxi batzuek kontrakoa pentsatzea», diote.

«Herritarrok zer pentsatu behar dugu igandean kamera aurrean 37ko errefuxiatuen egoeraz (Siriakoez aipamenik ez zuen egin) jardun eta astelehenean mezu hori bera zentsuratzea agintzen duen politikari bati buruz?», galdetzen dira. «Hauteskundeen loterian elkarrizketarako gaitasunik ez duten politikariak tokatu zaizkigu Zumaian eta 'nirekin zaude ala nire kontra' ikurtzat hartuta ari-tzen ari dira. Jarrera hori ez du inork bozkatu, ordea», gaineratu dute.

Recibe nuestras newsletters en tu email

Apúntate