Diario Vasco

«Udalari exijitzen diogu benetan herritarrek esandakoa errespetatzea», dio EH Bilduk

Udal gobernuak deitu dituen bilera irekien inguruan, EH Bilduk bere iritzia plazaratu du ohar baten bitartez. «Badirudi EH Bilduren iniziatibak -gure proposamen-zirriborroa eta herritarrekin bilerak egiteko genuen asmoa etxez-etxe zabaltzeak- Udal Gobernua mugiarazi duela, eta bilera hauek deitu ditu», adierazi du. Parte hartzearen kultura herrian hedatzen ari delako pozik agertu da eta herritarren iritziak kontuan hartzeko konpromisoa benetakoa izatea espero du.

«Halere, Ardantzabideko bilerekin gertatu zena ikusita, beldur gara Udal gobernuaren bilera hauek ez ote diren irudia garbitzeko saio bat izango». Bilera hauek informatiboak izan zirela azaldu dute EH Bildutik, «ez ziren herritarren iritzi eta helegiteak kontutan izan. Horren adierazle, auzoko bizilaguna ere baden Udal gobernuko zinegotzi batek ez zuela bere alderdikideek bezala Ardantzabideko planaren aldeko botoa eman plenoan».

«Udalari exijitzen diogu benetan herritarrek esandakoa errespeta- tzea, eta ez dezala proposamen itxi bat aurkeztu», mahai gainean egon daitezkeen proposamen guztiak modu ireki eta zabalean eztabadaitu ahal izantea eskatzen du.

Proposamen guztiek jendearen iritziaren arabera moldagarriak izan beharko luketela adierazi dute EH Bildutik. Horretarako, herritarrei dei egiten die bilera horietan parte hartzeko eta beraien iritzia ager-tzeko. «Aparkalekuen gaian herritarrek izan behar dute azken hitza».

Recibe nuestras newsletters en tu email

Apúntate