Diario Vasco
'Atte hil aurretik' antzezlana estreinatuko da Zumaian.
'Atte hil aurretik' antzezlana estreinatuko da Zumaian. / A. SERRANO

'Atte Hil Aurretik' Aita Mari aretoan estreinatuko da bihar

  • Sarrerak turismo bulegoan daude salgai sei eurotan

Bihar, urtarrilak 13, Beheko Larraine antzerki taldeak 'Atte Hil Aurretik' antzezlana estreinatuko du Zumaiako Aita Mari aretoan, 22:00etan. Sarrerak turismo bulegoan daudude salgai sei eurotan (lau eurotan gazte txartelarekin erosita). Maika Etxekoparren zuzendari-tzapean arituko da Miren Tirapu aktore nafarra oholtzan. Tirapuk berak idatzitako testutik abiatuta, eta hiru pertsonaien eskutik, espazio eta garai ezberdinetatik bidaiatuko du publikoak, komediak eta tragediak markatutako bideetatik familia sekretuetan murgiltzera. «Maxusek bere biloba Aneri gauero ipuin bera kontatzen zion. Bi hilabete egin ditu ordea istorio hori azkenekoz entzun zuenetik. Ihauteriak hemen dira berriz eta urtero bezala Erremosenea baserriko harategian ospatzeko erabakia hartuko du Anek. Bere amonak utzitako hu-tsuneak eta ihauteriek sakonki zirikatuko dute Ane, oheratzean en- tzuten zuen ipuin hark ezkutuan zeraman benetako esanahia agerian utziz», dio sinopsiak.

ZUbi deialdiaren irabazlea

Aipatutako proiektu hau, 2015eko ZUbi deialdiko laguntzaren irabazlea izan zen eta ondorioz, bere sortze prozesuan ondorengo espazioen bultzada izan du, dela egonaldi artistikoak eskainiz, nahiz ekoizpenean parte hartuz: San Agustin Kulturgunea (Durango), Kultur Leioa (Leioa), Baxe Nafarroa Herri Antzokia (Baxe Nafarroa), Hameka (Luhuso), Arriola Antzokia (Elorrio), Aita Mari An-tzokia (Zumaia), Zornotza Aretoa (Zornotza) eta Artedrama.

Estreinaldiaren ostean, 'Atte Hil Aurretik' beste hainbat herritan ikusteko aukera egongo da: hilaren 29an Irurtzunen, otsailaren 2an Leioan, 18an Isturitzen, 26an Baigorrin; martxoaren 3an Zornotzan, 5ean Durangon; apirilaren 19an Aulestin, 27an Erandion, 30ean Lezon; maia-tzaren 18an Maulen, 21ean Leitzan eta ekainaren 9an Elorrion.

Recibe nuestras newsletters en tu email

Apúntate