Diario Vasco

XV. Klarinete Maratoiaren balorazio oso positiboa egin dute antolatzaileek

Musika Jaialdiko laukote irabazlea.
Musika Jaialdiko laukote irabazlea. / SAPERE AUDE SINFONIETTA
  • Aurtengo Musika Jaialdiaren saria Claudia Alduncin, Odei Bretón, Malen Trenado eta Peru Tolosarentzat izan da

Azaroaren 9tik 13ra bitartera pasa berri den XV. Klarinete Maratoiaren balorazio «oso positiboa» egin dute egitasmo hau antolatzen izan diren Sapere Aude Sinfoniettako kideek. Jardunaldi desberdinak izan dira eta parte-hartzea ona izan da, aurtengo edizioan 70 lagunek baino gehiago izena eman dute ikasle gisa eta honi gehitu behar zaio, musika bandako kideak, erakusketarako etorri ziren musika etxeetako profesionalak eta hainbat musika eskola zein kontserbatorietako irakasle, 100 lagunen bueltan ibili dira bost egun hauetan klarinetearen aitzakian; Zumaia, Donostia, Zarautz, Lakuntza, Villodas, Mutriku, Irun, Gasteiz, Iruñea, Noain, Urretxu, Azpeitia, Azkoitia, Asteasu, Andoain, Pasai Antxo, Errenteria, Lezo, Tolosa, Legazpi eta Debako klarinete joleak izan dira irakasle eta gurasoekin batera.

«15 edizio egin eta hainbeste partaide izatea, marka haundia da eta erakusten du maratoia ez dela atzean geratzen ari, bost egunetan zehar gauza asko eskaini bait dira», azpimarratu dute antolatzaileek. Klarinete eskoletaz gain, erakusketa, Clarinet Clinic saioak, emanaldiak, lehiaketa edo kontzertu bikainak. Oraingoan ere hainbat berrikuntza izan dira harrera ona izan dutenak eta ildo beretik jarraituaz, antolatzaileak ari dira hurrengo ediziorako ere beste hainbatekin bueltaka eta itxura ematen. Adin guztietako Kontserbatorio eta Musika Eskola askotako ikasleak hurbildu dira Zumaira egun horietan. «Askok errepikatu egiten dute eta beste batzuk estreinekoz etorri dira baina hurrengo urtean bueltatzeko asmoa azaldu dute, nahiz eta egunerokotasunagatik mugitzeko magultasun arazoekin topatu, tartea bilatuko dutela esanez joan ziren, honelako ekintzak ez bait dira hain eskuragarri eta konzentrauta egoten». Publiko zabalarela eskeinitako ekitaldietan ere jendearen harrera ona izan da. «Bitxikeri moduan aipatu behar da kanpotar ugari inguratu direla eta guztiek eskerrak eman dutela honelako ekintzak aurrera eramateagatik», diote.

Laukote irabazleak

Bestetik, azken urteotan indarra hartu duen laukote lehiaketan 14 laukoteek hartu dute parte.

Ludoteka Saria (8-12urte bitartekoak) Axel Arrikarte, Iosu Mujika, Alex Castro eta Oier Moreno Andoingo musika eskolako ikasleak irabazi zuten 'The Froggy Day' abestiarekin. Irabazleen diploma eta sari ekonomikoaz gain, adosteko data batean Zumaiako Ludotekan kontzertua eskeniko dute. Gaztetxola saria (13-16 urte) Gorka Egino, Adrian Santacruz, Irene Divar eta Sergio Garcia de la Torrerentzat izan zen, Gasteizko Jesús Guridi kontserbatorioko ikasleak Klezmer Tryptich lana aurkeztu zuten.

Musika Jaialdia saria Claudia Alduncin, Odei Bretón, Malen Trenado eta Peru Tolosarentzat izan zen, Caprice for Clarinets lanarekin. Donostiako Francisco Escudero Kontserbatorioko, Errenteria Musikal Kontserbatorioko eta Zumaiako Musika Eskolako ikasleekin osaturiko taldea irabazleen diploma eta sari ekonomikoaz gain, 2017ko Zumaiako Musika Jailadiari irekiera emango dion kontzertua eskeniko dute.

Recibe nuestras newsletters en tu email

Apúntate