Diario Vasco

Gastronomia zirkuitu bat aire zabalean

Kalefood, Donostiako edizioan.
Kalefood, Donostiako edizioan. / DV
  • Eusebio Gurrutxaga plaza janari merkatu batean bilakatuko da asteburu honetan

Zumaiako Eusebio Gurrutxaga plaza gastronomia merkatu batean bilakatuko da asteburu honetan, irailak 9 eta 10. 'Kalefood' ekitaldiak bederatzi foodtruck ezberdin elkartzen ditu, bakoitza sukaldaritza ezberdi batean oinarrituta, bertako sortzaile, disenatzaile zein artisauen hamaika postu eta kontzertuak, azken hauek bi egunetan zehar egongo dira eta bertako musika taldeak bultzatzeko asmotan eskaintzen dira. 'Gastrokulturala' eguerdiko hamabietatik gaueko hamabietara ospatuko da. Sarrera doan da.

'Gastrokulturalak' «momentu bereziak» sortzea du helburu, non herritarrek «giro alternatibo eta ezberdin batez gozatzeko aukera» izango duten Nafarroako zein Gipuzkoako puntu ezberdinetan. Bere lehenengo edizioan, Donostiako Kursaalean ospaturikoa, «8.000 pertsona inguru» erakartzea lortu zuen.

Zumaian egingo den 'Kale Food Market', zikuitu baten bigarren ekitaldia izango da. Zirkuitu honek Euskal Herriko herri zein hiri ezberdinak zeharkatuko ditu. Abuztuan Mutrikun hasi, eta datorren asteburuetan, irailak 9 eta 10, eta 17 eta 18 Zumaia eta Deban izango da, jarraiki. Eta azkenik, hasi zen moduan, urriaren 15 eta 16an Kursaaleko terrazan izango dira, Donostian.

Iniziatiba honen atzean dago Kimmu, hamahiru gazte osaturiko taldea, gizartean zein kulturan inpaktu positibo bat sortzeko helburuarekin sortua.

Temas