1.200 euro Malen Etxeari egiten duen lan sozialarengatik

Alex Oliden, Silvia Carrizo,Jessica Guzman eta Miren Galfarsoro./
Alex Oliden, Silvia Carrizo,Jessica Guzman eta Miren Galfarsoro.

DV ZUMAIA.

Iaz bezala, aurten ere lan soziala egiten ari den herriko talde bati eman dizkio 1.200 euro Zumaiako EH Bilduk. Malen Etxea elkarteak jaso du dirua.

Udal taldeentzat ematen denari diru kopuru hori gehitzea onartu zuten bere garaian EAJ eta PSE-EEren botoekin. «Gu ez geunden ados igoera horrekin, eta erabaki genuen urtero diru hori ematea. Iaz Janari Bankuari eman genion», azaldu dute EH Bildutik. Malen Etxea lanean ari da emakume etorkinen giza eskubideen alde, eta benetako berdintasuna lortzeko.

«Gure udal taldeko Miren Galfarsoro eta Alex Oliden ostegunean egon ziren solasean Malen Etxeako Jessica Guzman eta Silvia Carrizorekin, eta elkartearen epe ertaineko asmoen berri eman ziguten. Oso aberasgarria izan zen solasaldia», gaineratu dute.

Contenido Patrocinado

Fotos

Vídeos