Zestoako San Juan Fundazioak Lan Hitzarmen berria sinatu du

Zuzendaritza eta LABeko langile ordezkariak, akordioa sinatu ostean./
Zuzendaritza eta LABeko langile ordezkariak, akordioa sinatu ostean.

Gaur egun 46 langilek dihardute lanean fundazioan, eta denei eragingo die hitzarmenak

K.ARRIZABALAGA ZESTOA.

Zestoako San Juan Fundazioak Lan Hitzarmen berria sinatu zuen atzokoan. Bi aldeak oso pozik agertu ziren lortutako akordioarekin (zuzendaritza eta LABeko langile ordezkariak, hain zuzen), hainbat urtetan lantzen joan diren gaiak hitzarmen batean adosteko gai izan baitira, sektoreko hitzarmenekin alderatuta hainbat onura jasoaz. Sinatzaileek eskerrak eman nahi izan zizkien urte luze hauetan lan honetan jardun duten guztiei.

Gaur egun San Juan Fundazioan 46 langilek dihardute lanean, eta denei eragingo die hitzarmenak. Zerbitzuei dagokienean, Egoitza, Eguneko Zentroa eta Etxebizitza Babestuak kudeatzen ditu aipatutako Fundazioak.

Contenido Patrocinado

Fotos

Vídeos