Zarauztarrak 3. Gipuzkoako xake azkarreko txapelketan

Taldea. Juez, Vicente, Arocena, Arrondo eta Lertxundi sariarekin.

Erik Juez, Mikel Vicente, Jaime Arocena, Pablo Arrondo eta Jon Lertxundi jokalariek osatutako taldea podiumera igo zen Villabonan

JUAN MARI ZUBIAURRE ZARAUTZ.

Larunbatean Taldekako Gipuzkoako Xake Azkarreko Txapelketa ospatu zen Villabonan. Bertan parte hartu zuen ZKE Xake Taldeko ekipo batek, hirugarren postuan sailkatu zelarik txapelketa bikain bat egin ostean. Horrela, Erik Juez, Mikel Vicente, Jaime Arocena, Pablo Arrondo eta Jon Lertxundi jokalariek osatutako taldeak azken urteetan halako txapelketa batean talde zarauztar batek lortutako emaitza onena lortu zuten.

Txapelketa hasieratik sailkapenaren goiko postuetan izan ziren zarauztarrak. Lehen txandan Arrasate-Arlutz taldea garaitu zuten (3 -1), bigarrenean Anaitasuna Kakute (0,5-3,5) eta hirugarrenean Billabona C (4-0). Laugarrenean ordea lehen porrota iritsi zen, gerora bigarren postua lortuko zuen Alfil A taldearen kontra (3-1).

Hurrengo bi txandetan Billabona A-ren aurka berdindu zuten (2-2) eta Fomento Cultural-en kontra galdu (3-1). Zazpigarrenean beste berdinketa bat iritsi zen, Hondarribi Marlaxka taldearekin (2-2), eta azken hiru txandetan zarauztarrek garaipenak lortu zituzten norgehiagoka guztietan: 0-4 Billabona B-ren aurka, 2,5-1,5 Gros Xake Taldearekin eta 0-4 Alfil B taldeari.

Azken jardunaldian deskantsa-tzea tokatu zitzaion Zarautzeko taldeari eta hori Alfil A-k ongi aprobetxatu zuen 3-1 irabazi eta azpitxapeldun postua lortzeko.

Azken sailkapenean garaile Fomento Cultural taldea izan da 31 punturekin. Bigarren tokian, Alfil A taldea sailkatu da 27,5 punturekin eta hirugarren geratu dira zarauztarrak 27 punturekin. Emaitza bikaina, beraz, zarauztarrek lortutakoa, itxura ederra duen denboraldi berri eta itxaropentsu bati hasiera emateko.

Deialdia xake zaleei

Xake Klubaren 5. denboraldia jarri dute martxan. Aurreko urteetan bezala, asteko bi egunetan Zarauzko Kirol Elkartearen egoitza (Kale Nagusia 7, 1. pisua) irekita egongo da xakean jokatzera hurbildu nahi duen ororentzat, gazte zein helduentzat. Aurten egun horiek astelehena eta osteguna izango dira eta ordutegia

18:00etatik 20:00etara. Animatu zaitezte xakearekin gozatzera.

Fotos

Vídeos