Secciones
Servicios
Destacamos
JUAN MARI ZUBIAURRE
ZARAUTZ.
Jueves, 17 de agosto 2017, 00:09
Necesitas ser suscriptor para acceder a esta funcionalidad.
Compartir
Arraun zaleek udarako zita interesgarrienetako bat izango dute datorren asteburuan Zarau-tzen. Arraunaren hiriburua bihurtuko da bi egunetan zeren bost estropada lehiatuko dira larunbat eta igandean gure uretan.
Talai Berri txakolindegian aurkeztu zen atzo eguerdian asteburu bikain hau, hiru bandera jokoan eta TKE eta EuskoTren ligako puntu garrantzitsuak jokoan. Emakumezkoen txapelketan gainera aurtengo irabazlea erabakiko da Zarauzko uretan azken urteetan gertatu ohi den bezala, ligako bi azken saioak lehiatuko bai dira eta igande eguerdian txapelduna izendatuko da.
Zarauzko traineru estropadak iragartzen diren egunean azken urteetan TKE ligako sailkapen orokorrean lehen postuan aurkitzen den traineruari sari berezi bat ematen zaio, Rosario Florez artistak eginiko eskultura bat, arrantzale baten irudia azaltzen duena, eta aurtengoan Urdaibai ontziari eman zion Xabier Txurruka alkateak eta traineruko prestatzailea den Joseba Fernandez izan zen saria bere eskuetan hartu zuena.
Tradizio handiko estropada da Zarauzkoa, gizonezkoetan XL. edizioa betetzen du eta emakumezkoetan berriz IX. saioa. Zarauzko Ikurriña eskuratu nahi duen ontziak bi egunetan lan bikaina egin beharko du, azken sailkapena bi egunetako denborak batuta ezartzen bai da. Eusko Label Ligari dagokionez, puntuak jardunaldi bakoitzean banatuko dira.
Ordutegiari dagokionez, TKE eta EuskoTren ligako estropadak larunbatean 18:00etan eta igandean 12:00etan izango dira, lehendabizi emakumeen estropada eta jarraian gizonezkoena. Baina zarauztar zaletuek beste estropada kuttuna izango dute baita. Larunbat eguerdiak KAE-1 Ligako azken aurreko estropada eremu berberean ikusi ahal izango bai dute eta Angel Larrañagaren mutilak bigarren txandan zuzenean ikusteko aukera izango da.
Bereziki prestatutako saioa izango da noski etxekoen aurrean egin beharrekoa eta zaleen babesa eskertuko dute. Jantzi urdinez balkoiak eta eraman soinean ZAEko ikurra.
Publicidad
Publicidad
Te puede interesar
Publicidad
Publicidad
Reporta un error en esta noticia
Comentar es una ventaja exclusiva para suscriptores
¿Ya eres suscriptor?
Inicia sesiónNecesitas ser suscriptor para poder votar.