Ulacia Grupok igandean hasiko du Liga Zizur Nagusian

DV ZARAUTZ.

Ulacia Grupok asteburu honetan hasiko du EBAko denboraldi berria, Zizur Handian jokatuko duten norgehiagoarekin hain zuzen. Taldeko entrenatzailea Iñaki Jimenez izango da Goar Artetxeren ordez. Iñaki Jimenez orain bi urte ere izan zen entrenatzaile, igoera hain zuzen berarekin lortu zuten zarauztarrek. Iaz taldetik kanpora egon eta gero, aurtengo denboraldian berriz ere berak hartu du Ulacia Gruporen gidaritza.

Talde labur xamarra dauka, baina positiboa izan daitekela esaten du jokalari guztiak dinamikan sartuak izateko. «Hala ere, horrek errespetua ematen du edozein ezbeharren ondorioz jokalariren bat galduta izango genukeen egoeran pentsatuta. Dena dela, jokatzeko prest daudenak lan ona egiten ari dira eta espero dugu lehiakorrak izateko balio izatea».

Eta hasteko, igandean Zizur Nagusian jokatuko dute. «Duela bi urte denak berriak ginen liga honetan. Aurten, ordea, denok eskarmentua daukagu kategorian, eta horrek lasaitasuna emango digu. Ardoi oso talde indartsua da, esperientzi izugarriko jokalariak dituena, baina bi urtetan gai izan gara beraiekin partidan egoteko».

Fotos

Vídeos