La Salleko 'pedibusa' berriz martxan jarri da

Pedibusean. Haurrak 'Oinezko autobusean' joaten dira elkarrekin./
Pedibusean. Haurrak 'Oinezko autobusean' joaten dira elkarrekin.

El Diario Vasco
EL DIARIO VASCO ZARAUTZ.

La Salle ikastetxeak martxoan burutu zuen eskola kontseiluan Mugikortasun Plana onartu zen. Bertan antzeman dute besteak beste, ikastetxera modu aktiboetan (oinez, bizikletaz, patinetean) joaten den ikasle kopurua baxua dela (Lehen Hezkuntzako ikasleen %41a). Beraz, haurraren osasunean eta heziketan dituen onurak ikusita, joan-etorriak modu aktibo eta autonomoan egiten dituzten haur kopurua haztea hartu dute helburu nagusi La Salle Ikastetxean. Eta bide horretan lehenengo pausoa, hurrengo ikasturteari begira, 'pedibusa' indartzea izango da.

'Pedibusa' zer den adierazteko orduan, esan, Europako hainbat hiritan Eskola Bideen programak sustatzeko erabili ohi den ekintza dela: haurrak 'oinezko autobusean' joaten dira elkarrekin, aldez aurretik finkatu diren ibilbideei jarraituz. 'Geltokietan' geldialdia egin eta bertan zain dauden lagunak bildu ondoren, dagokien orduetan abiatzen dira topagune horietatik, era horretara gero eta autobus handiagoa osatuz.

Beraz, datorren ikasturteari begira, proba bezala, aste honetatik aurrera eta ikasturte amaiera arte, jada modu aktiboan etortzen ez diren ikasleak, 'pedibusean' parte har-tzera animatzen dituzte. Hainbat ibilbide eta geltoki proposatzen dizkiete, kaleetan oinatzak aurkituko dituzte margotuta eta mapan zehazten den lekuetan, geltokiaren izena eta ordutegia.

Contenido Patrocinado

Fotos

Vídeos