Saharautz Elkartasun Taldeak hainbat proiektu gauzatu ditu Saharan

Baratze-haztegia jartzeko lehen urratsak eman dira.
/SAHARAUTZ
Baratze-haztegia jartzeko lehen urratsak eman dira. / SAHARAUTZ

Besteak beste, behar handieneko familiei 750 euroko laguntza eman diete eta baratze-haztegi bat eraikitzeko lehen urratsak eman dituzte

DV

Saharautz Elkartasun Taldeak azken proiektuak gauzatu ditu Saharan, hilabete honetan bertan egindako bidaian burutuak. Batetik, beharrik handieneko familiei -pobreetan pobreenei- 750 euroko laguntza eman diete dirutan.

Bestalde, ur-hodirik ez zuten bost haimatan bidoi bana jarri dute (400 euro guztira). Era berean, baratze-haztegi bat eraikitzeko lehen urratsak eman dituzte, Zestoako Tebal elkartearekin batera. Hektarea bateko lur sailean, lau negutegi jar-tzeko asmoa dago, ur-hodi handi batekin, eta itxiturekin. Negutegietan hainbat barazki landatuko dituzte. Lursailean 20 motatako zuhaitzak daude (palmondoak, pikondoak, etb.), eta oiloak eta untxiak ere haziko dituzte.

'Sahara Gaua'

Egitasmo honetara 1.850 euro bideratu dituzte. Diru hau guztia abuztuaren 20an ospatu zen 'Sahara Gara' ekitaldian lortutakoa da, herritarren, Udalaren eta zenbait enpresaren laguntzari esker. «Bihotzez eskertzen dugu proiektu garran-tzitsu hauek aurrera eramateko ematen diguzuen laguntza eta arnasa», dio Xabier Euzkitze, Saharautz Elkartasun taldeko lehendakariak.

Contenido Patrocinado

Fotos

Vídeos