Merkatutik zuretzat! ekimena gaztetxoei zuzendua azaroan

Orokietako ikasleak. Merkatu plazan egon dira aste honetan beste ikastetxeetakoak bezala gauzak ikasten./
Orokietako ikasleak. Merkatu plazan egon dira aste honetan beste ikastetxeetakoak bezala gauzak ikasten.

Merkatu plazan lan egiten duten baserritarrak eta beraien baserriak, garaiko eta bertako barazki eta fruituak erostearen onurak ezagutzen ari dira

JUAN MARI ZUBIAURREZARAUTZ.

Hilabete honetan Merkatutik Zuretzat! kanpaina ezberdina izaten ari da. Zarauzko gaztetxoei zuzendua dago eta lehen sektorea indartzeko, Zarauzko Merkatu Plazak herriarentzat duen garrantzia aditzera ematea du helburu. Merkatu plazan lan egiten duten baserritarrak eta beraien baserriak, garaiko eta bertako barazki eta fruituak erostearen garrantzia eta onurak ezagutzen ari dira egun hauetan.

Guztira, Zarauzko Salbatore Mitxelena, Antoniano, Orokieta eta La Salle ikastetxeetako LH3 eta LH4ko 430 ikasle ari dira hurbiltzen Merkatu Plazara. Bertan, baserriari buruzko zenbait gai ikasi eta Merkatu Plazan erosteak duen garrantziaz jabetu dira, hala nola, ekoizlea zuzenean ezagutzea, aholkuak eskatzeko aukera, bertan erosi, familiarekin kozinatu ditzaketen garaian-garaiko eta bertako produktu fresko eta osasuntsuak erosi ditzaketela eta guzti horrek Zarauzko herriko ekonomian duen eragin positiboa ikasten ari dira.

Aurkezpen honen ondoren, ikasleek kartulinetan Merkatu Plaza eta supermerkatuen arteko diferentzia positibo eta ez hain baikorrak idazten dituzte.

Bigarren tailerra

Bigarren tailerra, 'Aurkitu Baserri Parea' jokatzean datza. Merkatutik Zuretzat! kanpainarentzat bereziki prestatu den memori joko bat da. Ikasleek Zarauzko Merkatu Plazako zenbait baserritarren baserrien argazkia daramaten karta parea aurkitu eta etxera oroigarri modura eramatea da helburua.

Horrela, baserriari buruzko gauza gehiago ikasi ditzakete eta bertako baserritarrarekin hartu-eman zuzenago bat lortu.

Azkeneko tailerra, etxetik ekarritako eta birziklatutako jogurt poto batekin negutegi txiki bat egitean datza. Dilistak erabiltzen dituzte eta etxean babarrunak, dilistak... nola landatu, zaindu eta etxean babarrunak edo dilistak izateko modua ikasten ari dira egun hauetan.

Bisitaren egunean ikasleek liburuxka bat jasotzen dute, 'Hostotxo' izeneko pertsonai baten laguntzarekin udazkeneko bertako barazki eta fruituak zeintzuk diren ikasteko, honen inguruan gauza berriak ikasteko bideo, webgune ezberdinen informazioa eta Merkatu Plazan erosteagatik lortu ditzaketen onuren berri ematen zaie.

Gaur Master Txef Txiki

Liburuxka honen azken orrian, gaur, azaroak 11, eguerdiko 12:00etatik 13:00etara, Zarauzko Merkatu Plazako lehen solairuan ospatuko den Master Txef Txiki lehiaketaren berri ematen zaie. Haurrek familiarekin batera eta Merkatu Plazan erositako bertako eta garaian garaiko produktuekin prestatutako jakiak aurkeztu beharko dituzte, hala nola, entsaladak, babarrunak, pureak, barazki menestra bat, beste askoren artean.

Parte-hartzaile guztiek jasoko dute saria eta epaile mahaiak aukeratutako lehenengo Zarauzko Master Txef Txikiei diploma bana emango zaie. Garapen Ekonomikoko zinegotzi Jesus Aranak Merkatutik Zuretzat! ekimenaren protagonista nagusiak Zarauzko Merkatu Plazan bertako eta garaian garaiko produktuak saltzen dituzten baserritarrak eta saltzaileak direla gogorarazi du eta haurrak direla «horien eta gure etorkizuna. Asko ari gara ikasten Merkatutik Zuretzat ekimenarekin eta gaztetxoenek ere hala egitea nahi dugu».

Orain arte, ekimen honen barruan antolatu diren show-cooking eta dastaketa ekitaldiak abenduan jarraituko dute. Abenduak 2an, larunbata, goizeko 11:00etan, Merkatu Plazako bigarren solairuan ospatuko da. Bertako eta garaiko produktu protagonistak brokolia eta paneka izango dira. Karlos Argiñanoren Aiala Eskolaren eskutik orain arte bezala, osagai hauekin plater tradizional bat eta pintxo bat zuzen-zuzenean prestatuko dira.

Fotos

Vídeos