Jostailuak aukeratzeko gida atera dute

Jostailuen gida. Gurasoei laguntzeko prestatu dute Udaletik./
Jostailuen gida. Gurasoei laguntzeko prestatu dute Udaletik.

Parekidetasun eta Prebentzio sailek elkarlanean argitaratu dute gurasoei zalantzak argitzeko. Gurasoei jostailuen aukeraketa zuzena egiteko gomendio gida sortu du Udalak, erosteko unean sortzen diren zalantzak argitzen laguntzeko asmoarekin

JUAN MARI ZUBIAURREZARAUTZ.

Gabon egunak gerturatzen ari dira eta, ondorioz, herritarren gehiengoari buruhausteak sortzen dizkigun oparien erosketa garaia iritsi da. Haurrek Olentzero eta Errege Magoei desioz beteriko gutunak idazten diete eta, eskaera nagusia, orokorrean, jostailuak izan ohi dira.

Zentzu honetan, Gloria Vazquez Parekidetasun zinegotziak zein jostailu erosi erabakitzeko garaian ondoko galderak sortzen direla azaldu du, «egokiak al dira oparitzen ari naizen jostailuak? Egokiak al dira estereotipo eta aurreiritziak baztertzeko? Egokiak al dira gure haurren garapenerako? Harreman aberasgarriak sustatzeko balio al dute?».

«Guraso eta aiton-amonei sor-tzen zaizkien zalantza guzti hauei erantzun bat emateko asmoz, eta aukeraketa egokiena egiten lagun-tzeko helburuarekin, Udaleko Parekidetasun sailetik eta Prebentzio zerbitzutik, elkarlanean, jostailuen aukeraketa zuzena egiteko gomendio gida sortu dugu beste behin», adierazi du Miren Letamendia Prebentzio zinegotziak.

Gida hau Zarauzko ikastetxeetan banatuko du Udalak, besteak beste, haur eskolan, haur hezkuntzan eta Lehen Hezkuntzako 1, 2 eta 3. mailetako haurren artean. «Gidan, hezigarriak, dibertigarriak eta gustukoak izango dituzten jostailu eta jolasak aukeratzeko pausuak zehazten dira, ondoko irizpideak kontuan izanik: talde lana bultzatzen dutela, denbora luzez interesgarriak izango direla, genero banaketarik egiten ez dutela, eta irudimena bultzatzen dutela», nabarmendu dute zinegotziek.

Gida saretik ere deskargatu daiteke ondoko estekan: www.berdintasunazarautz.wordpress.com edo www.prebentzioa.wordpress.com.

2018ko urtarrilean hasiko dira berriro Jabetze Eskolako ikastaroak. Zortzi ikastaro antolatu dituzte 2018ko urtarrilaren 15etik maiatza bitartean garatzeko. Prestatutako ikastaroen izenburuak ondorengoak dira: 'Desvelando los micromachismos', 'Oinarrizko konponketak: brikolajea eta pintura', 'Pasa un rato contigo', 'Zeregin eta denboraren kudeaketa', 'Ekonomia feminista', 'Maternidad: un asunto a negociar', 'Gorputz ikusezinak ikusten' eta 'Autodefentsa'.

Parekidetasun zinegotziaren esanetan, «emakumeek diskriminazio egoera jasaten dute emakume izateagatik, eta baita euren kontrako indarkeria ere. Horri aurre egiteko beharrezkoa da emakumeak eurak gaitasuna eta indarra berpiztea euren buruari dagokion botereaz jabetzeko. Prozesu horretan lagun-tzea da, hain zuzen ere Jabetze Eskolako helburu nagusia».

Jabetze Eskola emakumeak prestakuntza jasotzeko, hausnartzeko eta elkarrekin egoteko gune bat da. Bertan, emakumeek gaitasunak eskuratu eta garatuko dituzte, ahalduntze pertsonal eta kolektiboan aurrera egiteko. Bizitza modu autonomoan, indartsu eta konfiantzaz bizi izatea da ahalduntzea, erabakiak hartzeko eta aldaketa sozialean aktiboki parte hartzeko.

Ahalduntzeko eskolaren erronka da emakumeen aldaketa pertsonal eta kolektiboa bultzatzea. Eta zein da aldaketa horren helburua eta xedea? Gizonen eta emakumeen arteko botere-harremanak aldatzea eta emakumeek gizartean eta politikan parte-hartze handiagoa izatea.

Aldaketa hori gertatzeko, garran-tzitsua da: a) emakumeoi maila pertsonalean zer gertatzen zaigun ulertzea; b) errealitatea eta testuingurua ezagutzea; c) zein eskubide ditugun jakitea; d) informazioa eta baliabideak eskuratzea; e) gure trebetasunak garatzea; eta f) autonomia eta kontzientziazio handiagoak eta gaitasun kritikoa edukitzea.

Azken finean, eskolaren helburua da, emakumeen autonomia eta partaidetza sozial eta politikoa bultzatzea, prestakuntzaren eta garapen pertsonalaren bitartez. Ikastaro eta jarduera guztiak adin eta interes desberdinetako emakume guzti-guztiei zuzenduta daude

Ikastaroetan izena emateko epea 2017ko abenduaren 18tik, hau da atzototik zabalik dago eta 2018ko urtarrilaren 5era bitartean zabalik egongo da.

Izena emateko aukera eta modu ezberdinak daude, Parekidetasun departamentuko blogean zuzenean (www.berdintasunazarautz.wordpress.com), departamentuko bulegoetan (Zigordia kalea 33, 1. Solairua), telefonoz (94300 51 17) edota berdintasuna@zarautz.eus helbidera idatzita. Plazak mugatuak dira eta Zarautzen bizi diren emakumeek izango dute lehentasuna.

Parekidetasun departamentuko blogean dago eskuragarri informazio osoa eta egitaraua.

Contenido Patrocinado

Fotos

Vídeos