Gaur ere Haur Parkea zabalik egongo da

Jolasean. Burua lantzeko egokiak diren jolasak topatzen dituzte haurrek.
/
Jolasean. Burua lantzeko egokiak diren jolasak topatzen dituzte haurrek.

JUAN MARI ZUBIAURRE ZARAUTZ.

Jakina da opor garaian daudela Gabonetan zarauztar gaztetxoak eta beraiei zuzendutako ekintza ezberdinak prestatzen direla. Hauen artean arrakasta handia izaten du Gabonetako Haur Parkeak. Haur Kultur Taldeak eta Udalak elkarlanean atzo zabaldu zuten Aritzbatalde kiroldegian aisialdirako prestatu duten parkea.

Bi gune ezberdinetan banatu zituzten, adin txikikoak kantxan aurkitu zituzten eurentzako egokiak ziren jokoak eta pilotalekuan adinean handiagoak direnak eurenak. Kanpoan negu giroa nagusi baina barruan oso gune egokia zegoen prest goiz eta arratsalde bertaratu eta jolasean ibiltzeko. Eta erne, gaur ere berriz ateak zabalduko ditu, 11:00etatik 13:00etara lehendabizi eta 16:30etik 19:00etara ondoren.

Jolas mota oso ezberdinak topatuko dituzte, batzuk izerdia atera-tzen dutenak eta besteak burua lan-tzen laguntzen dutenak baina denak oso egokiak bertaratzen diren haurrentzat. Ez ahaztu bihar kiroldegian baina igerilekura pasata bestelako ur jolasak daudela, LH3 eta LH6 bitarteko gaztetxoentzat.

Contenido Patrocinado

Fotos

Vídeos