Bustitzeko ordua heldu da

Ezkerretik eskuinera, Borja, Xabier, Sara, Ruben eta Iñigo/Aitor Zarzuelo
Ezkerretik eskuinera, Borja, Xabier, Sara, Ruben eta Iñigo / Aitor Zarzuelo

Surf txapelketaz gain, yoga saioak, ikastaroak, skate txapelketa, erakustaldiak, moda desfilea eta kontzertuak ere izango dira Pro Zarautzen asteburu osoan zehar. Haien artean, Nerabe taldearena

A. IBARGUTXI

Apirilaren 4tik 8ra Munduko Surf Txapelketa Zarautzera itzuli da eta, horregatik, eszenatoki zabal bilakatuko da herria asteburuan zehar. Errudun dira Pro Surf jaialdia antolatu dutenak: FederArte PRO FESTIBALAren eskutik, kirolaz gain, agenda kultural zabala prestatu dute. Bihar, hilak 7, Nerabe talde gipuzkoarrak hartuko du bere gain giroa berotzeko lana, Delorean taldearekin eta El Txef A dj-arekin batera. «Oso festibal interesgarria dirudi. Eguraldi txarra iragarri duten arren, ziur giro aparta egongo dela. Izugarrizko taldeekin elkarbanatzen dugu afixa eta plazer handia da horrelako gau batean gurte tokia edukitzea. Oso gustora gaude!», aitortzen dute taldekideek.

Nerabe bost lagunek osatutako taldea da. Sara Zozaya (ahotsa eta teklatuak), Ruben Ramos (gitarra eta teklatuak), Xabier Arratibel (gitarra eta teklatuak), Borja Iriarte (bateria) eta Iñigo Ozaeta dira kideok, Adrenalized, Cohen, Blaka eta The Animal Within taldeetan ibilitakoak, besteak beste. Pop rock doinuak jorratzeko elkartu ziren, zehatzago, «gauza fresko eta berriak egiteko». «Oso musika estilo desberdinetatik gatozen musikariak gara, baina gauza konkretu batean amankomunean gaude: abesti errazak eta entzungarriak sortu nahi ditugu. Entzulegoarentzat atseginak eta dantzagarriak direnak», azaltzen dute.

Gazteako Maketa Lehiaketaren finalera heldu den Nerabe taldea 2017an sortu zuten eta Gure Bazterrak jaialdian eman zuten lehen kontzertua. Orain, disko berria plazaratu dute, 'Toki On', baita lehen bideoklipa ere, 'Starting point' kantarena, hain zuzen.

Nahiz eta oraingoz beste bideoklip bat egiteko intentziorik ez agertu «berri onekin gatoz, maiatzaren 4ean gure lehendabiziko diska aurkeztuko dugu Dabadaba aretoan». Bertan izango da taldearen hurrengo kontzertua, Eraul taldekoekin batera.

Ostiral eta larunbatez burutuko dira zarauzko kontzertuak eta dj emanaldiak Munoa Plazan. Lehenengo Neraberen txanda izango da bihar, 21:45ean. Ondoren, 22:30etan El Txef A eta azkenik, 01:00ean, Delorean-en txanda izango da.

Gainera, surf txapelketaz gain, yoga saioak, ikastaroak, skate txapelketa, erakustaldiak, moda desfilea eta kontzertuak ere izango dira Pro Zarautzen asteburu osoan zehar.

Temas

Euskera

Contenido Patrocinado

Fotos

Vídeos