Artzain txakurren lehiaketa gaur eta bihar goiko kanpinaren ondoan

DV ZARAUTZ.

Asteburu honetan Border Collie arrazako artzain txakurren lehiaketa ospatuko da Talaimendin, Zarauzko goiko kanpinaren ondoan. Txakur horiek bere abilezia erakutsiko digute artaldeak zaintzeko. Arraza hori jatorriz Eskozia eta Ingalaterra arteko mugakoa da eta bertatik zabaltzen joan da, bereziki ardiak eta artaldeak zaintzeko duen berezko sena dela eta. Txakur azkarra, bizkorra, arina, ingurukoen lagun ona eta obedi-tzailea da. Esan ohi da begiradarekin nagusitzen dela ardiek obeditu dezaten. Lehiaketa honetan, aurrez finkatuta dauden lanak egin beharko dituzte txakurrek. Hasteko, 350 metrotara dauden ardien bila joan beharko dute.

Fotos

Vídeos