Artzain txakurren lehiaketa asteburuan

Border Collie. Txakur azkarra, bizkorra, arina, ingurukoen lagun ona eta obedientea dela diote./
Border Collie. Txakur azkarra, bizkorra, arina, ingurukoen lagun ona eta obedientea dela diote.

Goiko kanpinaren ondoko belardietan jokatuko da larunbatean eta igandean. Border Collie arrazako artzain txakurren lehiaketa honetan, hasteko, 350 metrora dauden ardien bila joan beharko dute txakurrek

ANTXON ETXEBERRIAZARAUTZ.

Irailaren 30ean eta urriaren 1ean Border Collie arrazako artzain txakurren lehiaketa izango da Talaimendin, Zarauzko goiko kanpinaren ondoan. Txakur horiek beren abilezia erakutsiko digute artaldeak zaintzeko. Arraza hori jatorriz Eskozia eta Ingalaterra arteko mugakoa da eta bertatik zabalduz joan da, bereziki ardiak eta artaldeak zaintzeko duen berezko sena dela eta. Txakur azkarra, bizkorra, arina, ingurukoen lagun ona eta obeditzailea da. Esan ohi da begiradarekin nagusitzen dela ardiek obeditu dezaten.

Lehiaketa honetan, aurrez finkatuta dauden lanak egin beharko dituzte txakurrek. Hasteko, 350 metrora dauden ardien bila joan beharko dute eta, ondoren, aurrez irudikatutako bidetik pasa beharko dute artaldea artzainaren txistu aginduez lagunduta. Gainera ardiak eremu borobil batean batu, korta moduko hesian sartu, artaldea banatu agindutako kopuruan eta abar egin beharko dituzte.

Ardi mozketa saioak

Igandean, lana zailduko zaie, artaldeko ardiak markatu egingo direlako eta txakurrek ardien arteko bereizketa hori kontuan izan beharko dutelako. Gainera ardi mozketa saioak ere egingo dira.

Talaimendira ingurutzen den edonork txakurrak ezagutu ahal izango ditu, beraien lana eta heziketaz galdetzeko aukerarekin.

Contenido Patrocinado

Fotos

Vídeos