Diario Vasco

Ulacia Grupok bihar PAS Piélagos izango du aurkari

Ondo defenditzea, ezinbestekoa garaipena lortzeko.
Ondo defenditzea, ezinbestekoa garaipena lortzeko. / ETXEBERRIA
  • EBA mailari eusteko, ezinbestekoa dute zarauztarrek garaipena

Bi jardunaldi geratzen dira EBA Ligako enboraldiari agur esateko. Bi jardunaldi Ulacia Grupok maila mantentzeko helburua gauzatzeko. Bihar, larunbata, 19:00etatik aurrera, jokatuko dute azkeneko partidua etxean, Aritzbatalde kiroldegian. Denon laguntza eta babesa behar dute salbaziora bidean garaipena eskuratzeko. Bi partidu eta kalkulagailua martxan. Sailkapeneko azkenaurreneko postuan dago Ulacia Grupo 6 garaipenekin. Aurretik ditu Redline Mekanika TAKE eta Mondragon Unibertsitatea 7 garaipenekin eta Universidad de Burgos 8rekin. Bi partiduren faltan dena erabakitzeke dago, jakiteke zein hiru taldek galduko duten maila.

Biharko aurkaria PAS Piélagos talde kantabriarra izango dute. Sailkapeneko erdialdean kokatua dago eta ez dute ezer jokoan izango azkeneko bi jardunaldi hauetan, baina horrek ez du esan nahi gauzak erraz jarriko dizkiotenik Ulacia Grupori, gauzak ondo egin eta itxura ona eman nahiko dute kantabriarrek. Baina, ezinbestekoa partidua aurrera ateratzea. Denon laguntzakin, armailak beteta, errezago izango dute. Joan den urtean ere azken momentuan salbatu ziren. Ea aurtengoan...

Recibe nuestras newsletters en tu email

Apúntate