Diario Vasco

'Maite ditut maite. Trasmisioa XX. mendeko Euskal Herriko artean', hitzaldia gaur

Photomuseumek sustatu eta Zarauzko Udalak babestutako Aula/Gela kulturaren difusiorako programaren barruan 18:00etan 'Maite ditut maite. Transmisioa XX. mendeko Euskal Herriko artean' liburuaren aurkezpena izango da Ismael Manterola egilearen eskutik.

Ibilbide luzea egin du Ismael Manterolak arteari begira: aztertu du, horri buruz idatzi, bai eta irakasle aritu ere. Liburu hau bada jardun horren fruitu, Euskal Herriko XX. mendeko artearen ibilbide bat osatu baitu. Iragan mendeko artearen transmisioan izandako bihurguneei begira jarri da: modernitate eta tradizioaren arteko hartu-emanak, etika eta estetikaren arteko loturak, eta artearen sistemak jokatutako papera ditu aztergai. Manterolaren lan eskerga eta beharrezkoari esker, abiapuntu bat daukagu orain, Euskal Herriko artearen lanbro artean nork bere bideak topatzeko

Ismael Manterola Ispizua (Zumaia, 1966), Arte Historian lizentziatu zen Valentziako Unibertsitatean eta doktoregoa EHU/UPVn gauzatu zuen Arte Historian. Egun EHU/UPVko Arte Ederren Fakultatean Artearen Historia irakasten dihardu. Bere argitalpenen artean daude, besteak beste, 2012an kaleratutako Raemaekersen Marrazkiak: Britainiar propaganda Espainian eta Euskal Herrian Lehen Mundu Gerran liburua eta Autonomía e ideología (2016) liburuko 'Compromiso o especificidad del medio. Arte en el País Vasco en las últimas décadas del siglo XX'.

Recibe nuestras newsletters en tu email

Apúntate