Diario Vasco

Workshopak Antoniano Ikastetxean

Antoniano Ikastetxeko zuzendaria den Itziar Muruak eskolan egiten ari diren zenbait berrikuntzen inguruan hitz egin digu. «Egiten ari garen berrikuntzen oinarria Adimen Anitzen teorian dago. Adimen Anitzen ikuskera honek hezkun-tza ulertzeko ikuspegi desberdina eskatzen du, eskola eredu berri bat, eta ikasle bakoitzaren perfila ezagutu eta berez dituen gaitasunetara egokitutako hezkun-tza bat eskaini nahi dugu».

Eredu honen harira, aste honetan Workshopak antolatu dituzte LH5, LH6, DBH1 eta DBH2 mailetan. Gai zehatzen inguruan antolatutako bi egunetako tailerrak dira workshopak. Ikasle bakoitzak bere tailerra aukeratu du libreki eta guztira hamar tailer ezberdin antolatu dira.

Motibazioa eta elkarbizitza

Workshopak antolatzerakoan hainbat helburu lortu nahi lirateke. «Ikasleak motibatu nahi ditugu, berak aukeratutako jarduera horretan sakontzeko aukera eskainiz. Elkarbizitza ere bultzatu nahi dugu, adin eta maila ezberdinetako ikasleek beraien artean ikas dezatela, irakasleekin ere harreman ezberdin bat izateko aukera zabalduz».

Itziar Muruak gehitzen duen bezala, «ikasleen artean gaitasun berriak deskubritu nahi ditugu, kooperatiboki lan eginez curriculumean ez dauden gaiak ezagutuz eta badauden batzuetan gehiago sakonduz. Ikasleak gozatu egiten dute eta guk norberaren gaitasunak modu integralean lantzen laguntzen diegu, azken urteotan garatzen ari garen proiektu estrategikoan pauso bat gehiago emanez».

Recibe nuestras newsletters en tu email

Apúntate