Diario Vasco

Egitarau zabala prestatu da Euskararen Egunaren inguruan

Lehiaketa irabazleak. Pegatina eta bideo lehiaketan sarituak Dorre Luzeako parkean.
Lehiaketa irabazleak. Pegatina eta bideo lehiaketan sarituak Dorre Luzeako parkean. / ETXEBERRIA
  • Gaur literatur solasaldia, eta datozen egunetan antzerkia, euskal abestiak, ziurtagiri banaketa, kantu jira, dantzaldia,...

Euskararen Eguna datorren larunbata izango da, abenduak 3, nahiz pagatina lehiaketa irabazleak ederki adierazten duen bezala, «euskara ahoan urteko egun guztietan izan behar dugu».

Egun honen inguruan hainbat aktibitate antolatu dira egunotan udaletxeko Euskara departamendutik. Adibidez, gaur, asteazkena, azaroak 30, arratsaldeko 18:30tan Sanz-enea Liburutegian literatur solasaldia antolatu da. Anjel Lertxundiren 'Zu' liburua aztertuko da, idazlearen zuzeneko partehartzearekin. 2012ko uztailaren 19an aldatu egin zen betiko Anjel Lertxundiren bizi-tza. Emazteari pankreako minbizia diagnostikatu zioten. Handik hiru egunetara, apunteak hartzen hasi zen. Gero dietario formal bat egiten hasi. Eta azkenean literatur egitasmo hura gorpuzten eta gorpuzten joan zen eta liburu-itxura hartu. Ondoren 'Zu' izenburuko liburua plazaratu zuen, autobiografikoa, «asmatutako oso gutxi daukana. Bere experientziataz mintzatuko da gaurko solasaldian.

Era berean, aste honetan Modelo aretoan, 'Beldartxo jatuna' antzezlana aurkezten ari da, LH1, 2 eta haur eskolako ikasleentzat; baita ere, 'Bram Barrabas' LH5 eta 6 mailetako ikasleentzat.

Egitarauarekin jarraituz, bihar, osteguna, goizeko 9:00 eta 11:00tan, Mikel Markez eta Eñaut Elorrietak 'Baga Biga Higa', euskal abestien errepasoa egingo dute batxilergo ikasleentzat, eta ondoren, arratsaldeko 19:00tan, bi abeslariek saio berdina aurkeztuko dute nahi duten guztientzat. Gonbidapenak Sanz Enea eta Turismo Bulegoan jaso daitezke.

Ostiralean, berriz, Bai Euskarari ziurtagiriak banatuko dira, hitzarmena sinatu duten dendari eta ostalarientzat eta, era berean, Durangoko azokara bidaia egingo dute Batxilergoko ikasleek.

Abenduak 3, larunbatean, kirolguneetan, 'kirola euskaraz bizi nahi dut' banderolarekin argazkiak partidu guztietan eskola kirola ta kirol federatuentzat; Gaztelekuan, euskarazko ekoizpenaren inguruko erakusketa izango da bertako erabiltzailentzat; 17:00tan Donibane Plazan, kantu jira Manolo Urbietaren abestiekin, Musika Eskola, ikastetxe eta hainbat musikarien laguntzarekin; eta 18:00tan, dantzaldia Musika Plazan Joxe Mendizabalekin. Egun berean,eguerdiko 12:00tan Lege Zaharren enparantzan, Alaken taldearekin euskal dantzak iragartzen dira.

Pegatina eta bideo lehiaketa

Bestalde, euskararen egunaren inguruan pegatina eta bideo lehiaketak izan dira. Pegatinetan lehen hiru sariak, ondorengoentzat izan dira: 1.-June Ulacia (La Salle); 2.-Garazi Arcos (Ikastola), eta 3.- Irati Agoues (La Salle).Bideo lehiaketan, lehen saria, 'Gure euskararen historia' lanarekin, Antoniano DBH 3A-ko Li-tzi Laso, Sarahi Zelaia eta Asier Cruz izan dira. Bigarren saria, 'Batu zaitez! Lizardi Institutuko Leire Etxaberentzat.

Temas

Recibe nuestras newsletters en tu email

Apúntate