Diario Vasco

Halterofilia taldea, 10. Espainiako Txapelketan

Txapelketan parte hartu duten pultsolari eta entrenatzaileak.
Txapelketan parte hartu duten pultsolari eta entrenatzaileak.
  • Zarauzko pultsolariak 1.670 puntu batu zituzten eta sailkapenean onenetik 12 puntura geratu ziren

12 urte ondoren ZKE halterofiliako taldea berriz sailkatu zen Errege Kopa eta taldekako Espainiako Txapelketako finalera. Txapelketa larunbatean Vallecaseko Cerro del Almodovar kiroldegian izan zen eta bertan 6 kirolariz osatutako 14 talde izan ziren lehian. Denera 6 txanda izan ziren, txanda bakoitzean 14 kirolari, talde bakoitzeko bat. Zarauztarrek nahiz eta beraien puntuaketa altuena ez gainditu, 10. postua lortzeko helburua lortu zuten eta honenbestez harro egoteko lana burutu Juan Mendizabal eta Enrike Kortajarenak entrenatzen dituzten kirolariak.

Txapelketa

Lehen eta bigarren txandetan Danel Lopez etan Imanol Zulaika lehiatu ziren. Danelek abioan 93kg eta bultzan 110kg jasota 270 puntu erdietsi zituen, Imanolek berriz abioan 95kg eta bultzan 112kg jaso ondoren 261 puntu lortu. Honenbestez 531 punturekin zarauztarrek 5. postuan ekin zioten txapelketari; 10:30ean hasi zen 3. eta 4. txanda ZKE halterofiliako Borja Bravo eta Iker Guillamonekin. Borjak 95kg eta 120kg jasota 261 puntu lortu zituen eta Ikerrek berriz 100kg eta 131kg jaso ondoren 283 puntu. Horrela, zarauztarrak 10. postura jeitsi ziren 1.076 punturekin. Azkenengo txandak 12:30tan ospatu ziren, bertan zarauzko Jon Mendizabal eta Stepan Tsirkin. Jonek 109kg eta 131kg jasota 284 puntu lortu zituen eta Stepanek berriz 130kg eta 165kilo altxata 309 puntu. Horrela denera 1.670 puntu lortu zituzten zarauztarrek, beraien putuaketa onenetik 12 puntura, 10. postua lortu zutelarik; 14 talde ziren lehian eta 10. amaitu zuten, ez dago gaizki, izan ere, aurtengo Espainiako 14 talde hoberenak ziren lehian. Txapelketarako sailkatze bakarra meritua da.

Txapelketan Rio de Janeiroko jokoetan jardun ziren 4 pultsolari izan ziren lehian, Melilla talde txapeldunaren David Sanchez, eta 7. geratu zen San Pablokin Josue Brachi Espainiako selekzioarekin. Bestetik, bigarren geratu ziren Coruñako taldearekin Hungaria ordezkatuz Rion egon ziren Peter Nagy eta Gergely Sooky.

Hurrengo txapelketa abenduak 10an izango dute zarauztarrek Aritzbatalde kiroldegian eta horrenbestez 2016. urteko denboraldi arrakastatsuari amaiera emango diote. Dena den, taldea jada 2017. urteko denboraldira begira lanean dago eta gabonak ondoren hasiko dituzte entrenamenduak Aritzbatalde kiroldegiko aretoan.

Recibe nuestras newsletters en tu email

Apúntate