Diario Vasco

Aurtengo Santo Tomas azoka aldaketekin etorriko da

Zarauzko AEk-k antolatzen duen Santo Tomas azoka abenduaren 17an egingo da Lege Zaharren enparantzan, hori bai, aldaketa batzurekin.

Duela 20 bat urte, Zarauzko AEk-k Santo Tomas azoka antola-tzea erabaki zuen. Horretarako, artisau eta baserritarrekin harremanetan jarri eta plaza eskaini zi-tzaien. Horrela, euren lana sustatu eta txalotu izan da. Era berean, bertsolariak eta trikitilariak ere kaleetan zehar aritu izan dira festa-giroa zabaltzen, eta ezin aipatu gabe utzi, urtero, fin-fin, txistorra eman eta lehiaketan parte hartu duten harakinak ere. «Mila esker gurekin batera lanean jardun duten guztiei nahiz azokara hurreratu diren guztiei ere».

Kontuak kontu, «aitortu behar dugu, pixkanaka, ospakizuna indarra galtzen joan dela, eta horregatik, moldaketak izango dira aurten. Hasteko, partaidetzaren beherakada ikusita eta, egun, bestelako aukerak ere badituztela kontuan izanik, ez dira artisau eta baserritarrak izango», diote AEK euskaltegitik.

Hori bai, talo-postua eta barra ez dira faltako. Talo-postuan ari-tzeko, ordea, elkarte bati emango zaio aukera. Beraz, interesik duen talderik bada, jar dadila harremanetan hilaren 24a baino lehen; deitu 943.130175era edo idatzi zarautz@aek.eus helbidera. Talo postua jartzeko deialdian parte har-tzeko, ezinbestekoa da euskaraz aritzen den eta euskararekiko atxikimendua duen elkartea izatea.

Jan-edanaz gain, herritarren bilgune izan nahi duen goiza antolatzen ari dira. Bestalde, urtero bezala, otar erakargarriak eskura-tzeko aukera ere izango duzue boletoak erosiz gero eta, noski, txistor lehiaketa ere egingo da.

Recibe nuestras newsletters en tu email

Apúntate