Diario Vasco

Ulacia Grupo aurpegia emanez

Gutxigatik. Lan ona egin zuen Ulaciak.
Gutxigatik. Lan ona egin zuen Ulaciak. / DEL HOYO
  • 68-75 galdu zuen Igualatorio Cantabria Estela liderraren aurka

Begietara begiratu zion Ulacia Grupok ligako lider Igualatorio Cantabria Estelari igande arratsaldean Aritzbatalden jokatutako partidan. Lan eta esfortzu handiko norgehiagoka izan zen eta 30 minututan partidan egon baziren ere, bigarren eta laugarren laurdenetan jasotako kontrako bi partzialek garaipena Santanderrera eraman zuten, 68-75.

Hasi aurretik Goar Artetxek argi uzten zuen ligako talde indartsuenetako baten bisita zetorrela Aritzbataldera eta garaipena eskuratzeko majo lan egin beharko zutela bere mutilek. Talde egiteko aurrekontutik hasita diferentzia nabarmena zegoen bi taldeen artean. ACB mailan esperientziadun jendea kantxaratu zuten, Tomas Hampl pibota edota Rafa Pueyo entrenatzailea, baita Urrezko LEB Ligan esperien-tziadun Pablo Sanchez ere, batzuk aipatzearren.

Hasiera paregabea egin zuten zarauztarrak. Lehen bost erasoetan saskiratzea lortu zuten, Julen Egañak 4 puntu, Xabier Osak 5 eta Bingen Eceizak 2, eta defentsan intentsitate handiarekin arituta 12 eta 5eko partziala eskuratu zuten partiduko lehen minutuetan. Baina kantabriarrak 16 eta 18 aurretik amaitzea lortu zuten.

Bigarren laurdenean txakalaldiak jo eta diferentziak gora egin zuen, 26-36. Xabier Osaren hiruko batek zabaldu zuen hirugarren laurdena, horri Unai Eizagirreren aldeko kirolez kontrako falta baten bi jaurtiketa libreak gehitu zitzaizkion. Pixkanaka lortu zuten aldea murrizten joatea, batez ere defentsan egindako lan bikainarengatik. Tartea murrizten bai, baina Ulacia Grupok ez zuen lortzen markagailuan aurretik jartzea. Amaieran, 61-64 eta lau minutu jokatzeke oraindik baino kanpotarrak indartsuak direla erakutsi eta 68-75 jarri zuten markagailuan partidara bukatzean.

Datorren larunbatean 20:30etik aurrera Valladoliden, Universidad de Valladoliden aurka jokatuko dute.

Recibe nuestras newsletters en tu email

Apúntate