Diario Vasco

Babyauto Zarautz nagusi Ourenseren aurka, talde oso gaztearekin

  • 19 urteko Unai Elustondo eta Xalbat Amilibia, 20ko Xabier Rekondo eta Julen Aristorena eta 18 urteko Jon Eceiza aritu ziren

Babyauto Zarautzek merituko garaipena lortu zuen Ourenseren aurka larunbat arratsalde euritsu eta ilunean Astin, 24-7. Ourenseko mutilak eta gureak zelaian ikusita zarauztarrak gazte eta txikiak ikusten ziren, Galiziako taldeak bi metrotik gorako zenbait jokalari baitzituen.

Talde gaztea zein ahaltsua zelairatu zuen Phil Huxford entrena- tzaileak. Tartean 19 urteko Unai Elustondo eta Xalbat Amilibia, 20 urteko Xabier Rekondo eta Julen Aristorena, eta aurten debutatu duen 18 urteko Jon Eceiza. Gainera aulkian zain, beste 21 urtez azpiko 3 jokalari utzi zituen Zelanda Berriko entrenatzaileak.

Amilibia, protagonista

Babyauto Zarautz Rugby Taldeko mutilek euren indarra lehen minutuetatik erakutsi zuten. Jokoan hasi eta 3 minutuetara Xalbat Amilibiak ostikoz 3 puntu eskuratu zituen etxekoentzat. 21. minutuan Amilibiak beste 3 puntu eskuratu zituen. Mikel Larrañaga azkoitiarrak bere momentua aprobetxa-tzen jakin zuen eta 33. minutuan arerioen marra gainditzea lortu eta etxekoei beste 5 puntu emanez.

Bigarren zatian Xanti Irazustak txartel gorria ikusi zuen Xalbat Amilibia defendatzeagatik jokaldi zikin bat sufritu ondoren. Euren 4 zenbakia ere kalera bidali zuen epaileak, kasu honetan 10 minuturako. Jokaldi zikin eta itsusi honen ostean iritsi zen Ourensetarren entsegua, eta ondorengo transformazioa.

Baina zarauztarrek ez zituzten belarriak inongo momentuan jaitsi eta ondorengo jokaldian iritsi ziren hurrengo 7 puntuak eta amaitu aurretik Xalbat Amilibiak beste ostikada batekin azken hiru puntuak lortu zituen, ikusleen gozamenerako. Datorren astean Bilbon jokatzen dute.

Recibe nuestras newsletters en tu email

Apúntate