Diario Vasco
2015eko zumba.
2015eko zumba. / AMAXKAR

Zarauzko Rugby Taldeak 3. Bultza Zumba Maratoia prestatu du hilaren 20rako

Datorren hilaren 20an, igandea, Zarauzko Kirol Elkarteko Rugby atalak Bultza Zumba Maratoiaren hirugarren edizioa egingo du. Egun ederra izaten da lagunekin kirola egitera hurbiltzen diren guztientzat eta asko izatea espero dute noski rugby taldekoak.

Munoan egiteko asmoa dago, eguraldiak laguntzen badu behintzat (lehenengoa bertan egin zen baino joan den urtean Gaztelekuko frontoira eraman behar izan zen). Lehendabizi haurrak izango dira zumba egitera aterako direnak, goizeko 10:30ean hasi eta 11:00ak bitartean. Ondoren helduen txanda etorriko da, 11:15ean hasi eta 13:15ean amaituz.

Zer egin behar da parte har-tzeko? Ba oso erraza. Txartelak eskuratu. Non? Aritzbatalde kiroldegian, irakasleekin, edo bultzazumba@hotmail.com posta elektronikoan. Egunean bertan ere salgai egongo dira 10:00ak eta 10:30ak bitartean.

Txartelak zenbat balio dute? Ba haurrak aurrez hartu ezkero 3 euro ordaindu behar dituzte eta egunean bertan berriz, 5 euro.

Helduei dagokionez (13 urtetik gorakoak) aurretik 15 euro eta egunean bertan 18 euro.

Recibe nuestras newsletters en tu email

Apúntate