Diario Vasco

Jose Mari Iriondok Xalbador izango du mintzagai gaur Photomuseumean

Photomuseumek sustatu eta Zarauzko Udalak babestutako Aula/Gela kulturaren difusiorako programaren barruan, Jose Mari Iriondo kazetariak Xalbador bertsolariaren inguruan hitzaldia eskainiko digu arratsaldeko 18:00etan. Azaroaren 7an bete ziren 40 urte Xalbador hil zela, eta data hau aitzakia besterik ez da, bere lanera eta nortasunera hurbiltzeko.

Jose Mari Iriondo Unanue (Azpeitia, 1938) kazetaria da, eta lan handia egin du bertsolaritza, trikitia eta euskal kantagintza zabaltzen. Loiolako Herri Irratian izandako 22 urteko jardunean artxibo dokumental aparta osatu zuen, irratiko estudioan bertan zein hamaika bertso saio, erromeria eta kantaldietan egindako zuzeneko grabazioez osatua. Euskal kantagintza berriari bultzada handia eman zion Iriondok, eta Ez Dok Amairu taldearen sorreran parte hartu zuen. 1983an EITBn sartu zen, eta 1985ean ETBko zuzendari izendatu zuten. 2010ean, ohorezko euskaltzain izendatu zuten. Euskaltzaindiako Herri Literatura batzordeko kide da. Hainbat biografia idatzi ditu Iriondok: Lourdes Iriondo, Estitxu, Julen Lekuona, Inazio Eizmendi Basarri, Joxemari Aranalde, Auntxa eta Iturbidetarrak... Kazetari bezala hainbat aldizkaritan aritu da: Euzko Gogoa, Zeruko Argia, Herria, Redención eta Deia. Auspoa Bildumaren proiektuaren ardura hartu zuen 2009an.

Recibe nuestras newsletters en tu email

Apúntate