Diario Vasco

Euri eta lokatzetan jokatu zen Isidoro Unzueta Saria

Ekaitz Tejado zarauztarra aurretik eta, bigarren, irabazlea izango zen Ander Gabardino.
Ekaitz Tejado zarauztarra aurretik eta, bigarren, irabazlea izango zen Ander Gabardino. / ETXEBERRIA
  • Hala ere, 200 lasterkari gazte bildu ziren igandean Abendañon

Eguraldiarekin zorte gehiegi ez zuten izan igandean Isiro Unzueta eskolarteko lasterketan parte hartu zuten haur eta gaztetxo eta beraien familiarteko eta lagunek ere. Hala ere, antolatutako sei lasterketak arazorik gabe ospatu ziren. Goitik behera bustita eta lokaztuta bukatu arren, giro ederrean ospatu zen eskolarteko denboraldi berriko lehen lasterketa hau, urtero Isidoro Unzuetaren oroimenez ospatzen dena, Zarautz kirol elkarteko atletismo sailak antolaturik. Dagoeneko bere 16. Memoriala. Gizon txikia zen Isidoro, baina korrikalari handia izandakoa.

Gipuzkoa osotik etorritako korrikalariak bildu ziren Abendañoko zirkuituan, 30-40 lasterkari karrera bakoitzean, guztira 200 inguru. Ez dago gaizki. Alebin nesketan Iran-tzu Eskisabel (Txindoki) nagusitu zen eta bere atzetik Amaiur Velez (Hernani) eta Miren Urizar (Eibar). Alebin mutiletan: 1.-Enaitz Arabaolaza (Aloña Mendi); 2.- Elhantai Anwar (Mintxeta;), eta 3.-Unax Amorrosta (Eibar). Infantil neskak: 1.- Nahia Lasagabaster (Aloña Mendi); 2.- Ane Jimenez Aldabaldetreku(Antoniano) eta 3.-Itzio Tejada (Eibar). Infantil mutilak: 1.- Ander Gabardino (Txindoki); 2.-Igor Mugarza (Aloña Mendi); 3.-Ekaitz Tejado Garcia (Antoniano, Zarautz). Aipatutakoak, lehen sailkatuak, baina meritu berdina dute guztiek. Benjaminen emaitzak Federazioak ez ditu kontutan hartzen.

Recibe nuestras newsletters en tu email

Apúntate