Diario Vasco

Haimar Zubeldia: «Ondo pasatzera etorri, gero ikusiko da nora heltzen diren»

Haimar Zubeldia. Kiroldegiko aretoko hitzaldian.
Haimar Zubeldia. Kiroldegiko aretoko hitzaldian. / AMAXKAR
  • Kirol hau gogoko dutenei zuzendutako mahai inguru batean parte hartu zuen usurbildarrak

Zarauztarra Txirrindularitza Eskolak 2016/2017 denboraldiari hasiera emateko hitzaldi bat antolatu zuen joan den astean Aritzbatalde kiroldegiko aretoan. Zarautz, Getaria, Orio eta Aiako 10 eta 18 urte bitarteko neska eta mutil guztiei (alebinetatik juniorretara) zabaltzen zaie deialdia. Helburu nagusia, txirrindularitza kirolean lehen urratsak ematea da. Kirol hau hurbiletik ezagutzeko zein egokiagoa urteak txirrindularitzan daraman norbait gonbidatzea eta herrian bizi den Haimar Zubeldiari deitu bezain laster jaso zuten antolatzaileek baiezkoa. Usurbildarrak urteak daramatza gure artean, Zarautzen bizi da eta hemen bota ditu sustraiak. Beraz usurbildarren eta beraren baimenarekin zarauztartzat hartu dugu eta berarekin solasean aritu gara hitzaldia hasi aurretik.

Mahai inguruan, Asier Aranak ere parte hartuko zuen. Asierrek, Zarauztarran hasi zuen bere ibilbidea eta gaur egun Telco'm Gimex afizionatu talde nafarrean lehiatzen du.

-Honelako dei baten aurrean eran-tzuna beti baiezkoa izango da?

- Noski, zer gutxiago. Gainera hemen bertan bizita tokatzea. Gu gazteak ginenean ere honelakoak antolatzen ziren eta gustura joaten ginen.

- Txirrindularitza eskolak garran-tzitsuak dira, zuk nola hasi zenuen zure ibilbidea kirol honetan?

- Usurbilen kategoria guztietatik pasa nintzen. Bertako kirol taldearen inguruko oroitzapenak oso onak ditut, gero nire ogibide bihurtu da txirrindularitza baino orduko lagunak oraindik koadrilakoak ditut. Gauza on asko ematen dizkizu gaztetako garai horiek, zenbat bazter ezagutu ditugu eta beti esaten dudan bezala Gipuzkoako txoko guztian ezagutzen ditut txirrinda gainean joan naizelako.

- Txirrindularitzan hasi nahi duen haur bati bere gurasoak arriskutsua dela esaten diotenean, zer esango zenioke zuk?

- Nik gaur egun guraso naizenean, egia da errespetua ematen duela errepidera irteteak. Trafiko asko dago baino txirrindulariak ere asko dira zorionez. Hor kokatzen dut eskola hauen lana beraiek erakusten dute errepidean nola ibili, argiak erabiltzen, nondik joan eta arriskuak gutxitzen erakusten dute. Beti egongo da beldurra gurasoetan, baino gogoko badute utzi behar zaie. Badakit nire ama ere bere garaian beldurtuta egoten zela baino ohitu ez bada ere hobeto eramaten du orain.

- Nor bere kontura baino honelako eskola batean hastea hobe?

- Zalantzarik gabe. Luxua da. Gurasoak lagunduko diote mutiko edo neskari lasterketara joaten eta abar baino eskola hauetan prestakuntza egokia ematen zaie, esperientzia handia izaten dute.

- Eta txirrindularitzan murgildu nahi duen gaztetxoari zer esango zenioke?

- Hasi daitezela dagoenarekin, etor daitezela ondo pasatzera eta denborarekin ikusiko dute nora helduko diren. Disfrutatu egin behar da. Oso zaila da goraino heltzea baino bidean txirrindularitzak gauza asko emango dizkizu, lagunak egingo dituzu, toki ezberdinak ezagutuko, serioa eta sakrifikatua izaten, bizitzarako baliogarriak diren gauza asko ematen dizkizu. Saiatu daitezela eta gero konturatuko dira zenbat gauzetarako balio izan zaien.

Recibe nuestras newsletters en tu email

Apúntate