Diario Vasco

Aspanogiren Mobibike eguna eta arratsaldean pailazoen saio berezia

Goizetik bizikleta martxa.
Goizetik bizikleta martxa. / ETXEBERRIA
  • Goizetik BTT trabesia, triatloi txikia, bizikleta martxa eta umeentzako zirkuitoak izango dira

Mobibike Eguna antolatu du Aspanogik gaur Zarautzen, aurtengoa zortzigarren urtea jarraian. Egun polita, alaia, minbizia duten haurrei laguntza emateko asmoz. Jende asko eta asko elkartuko da egun eder bat igarotzeko.

Egitaraua goizeko 9:00tan zabalduko da BTT trabesiarekin; 9:30ean, triatloi txikiko frogak hasiko dira kiroldegi inguruan; 11:00etan, bizikleta bira herritik, urteroko moduan txirrindulari ezagunak bertan izango direlarik; 11:30etik-15:00etara, umeentzako zirkuitoak eta exhibizioen tartea. Jateko eta edateko ere ez da faltako, Zarauzko rugby atalaren laguntzarekin.

Eta arratsaldean, 17:00etatik aurrera Aritzbatalde kiroldegian, Pirritx, Porrotx eta Marimototsekin, saio berezia.

Hor izango dira, saioan zehar txirrindulari eta beste hainbat kirolari. Guztiak eszenatokira igo eta pailazoen laguntzarekin hainbat abesti ezagun abestuko dizkigute, aldi berean, hil berri den Manolo Urbieta gogoratuz. Sarrerak arratsalde bertan takilan izango dira salgai, 6 eurotan.

Recibe nuestras newsletters en tu email

Apúntate