Diario Vasco

Patinetan ibiltzeko ikastaroa hasi da baina oraindik parte har daiteke

  • Zinema pilotalekuan eskaintzen da eta adin guztietakoei dago zabalik

Joan den astelehenean, urriaren 17, hasi ziren eta ikasturte osoan eskainiko diren patinaje ikastaroak Zarauzko Zinema Pilotalekuan. Irristaketan teknikari nazional tituluduna da ikastaroen arduraduna, umeen-tzako eskola kirolean eta helduen-tzako irristaketan trebatua. Ikastaroak patinatzen ikasi nahi duen edonori daude zuzenduta, haur, gazte, zein helduei. Edonork har dezake parte ikastaroetan, sekula patinik jantzi ez duenak, hasiberria denak edo eta, patinatzen jakin arren, teknika landu eta hobetu nahi duenak.

Ikastaroetan ondorengo gauzak ikasiko dira: minik ez hartzen segurtasunez eta beldurrik gabe patinatzen, baita ere birak egiten, espaloiak igo eta jaisten, takoarekin eta T eran egoki frenatzen, atzerantz patinatzen eta bultzada teknika egokia lortzen. Kaleko oztopoei aurre egiteko trebezia ere landuko da, baita beste teknika baliogarriak ere. Taldean patinatzen ikasiko da, eta gero eta maizago antolatzen diren ibilbide eta lasterketetan parte hartzeko prestatuko dira.

Izen-ematea

Astelehen eta asteazkenetan, umeak (7 urtetik aurrera, 17:00etatik 18:00etara) eta helduak (18:00etatik 19:00etara). Izen ematea zabalik dago. Plaza mugatuak dira, 20 pertsona gehienez taldeko. Izen-emate ordena errespetatuko da. Ez itxaron gehiago eta erreserbatu zure plaza. Horretarako deitu 669 837 409 zenbakira edo whatsappa bidali. Mezu elektroniko bitartez ere, bidali irristaketahernani@gmail.com helbidera eta esteka bat bidaliko zaizue izen ematea betetzeko. Ikastaroan izenematea hiruhilekoka (65 euro) edo ikasturte osorako (170 euro) egin daiteke.

Recibe nuestras newsletters en tu email

Apúntate