Baigorrin hasi eta Lasse herrian amaituko da Pagoetaren igandeko irteera

Pagoeta Mendizale Elkarteak daraman bide eta ildoari jarraituz, gertu baina askotan hain urrun egiten zaigun Nafarroa Beherea-ra joango dira datorren igandean. Hain entzuna egiten zaigun Baigorrin hasi eta Donibane Garazitik gertu kokatua den Lasa-Lasse herri txikian amaituko dute txangoa.

Guztira 16,5 kilometro, igoera metatua 1.230 metro inguru eta jeitsiera metatua 1.230 metro. Sei ordu inguruan egiteko moduko ibilaldia. Aipatutako igoera eta jaitsierak kenduta, ez du zailtasun berezirik ibilaldiak. Irteera goizeko 7:30ean izango da Agoues-eneko biribilgunetik.