Diario Vasco

Bigarren eskuko liburu eta disko azoka gaur Zigordia kalean

Bigarren Eskuko Liburu eta Disko Azoka izango da gaur Zarautzen, Zigordia kalean goizeko 10:00etatik arratsaldeko 15:00etara eta 16:30etik 20:00tara. Eguraldi txarra bada, udal merkatuan izango da.

«Gure artean ezaguna dugu jada azoka hau.Bertan bigarren eskuko liburuak, CDak, DVDak, biniloak eta abar, salgai izango dira eta aldi berean etxetik ekarritakoak ere jasoko dituzte, material horiek berriro erabiltzaile berrien esku jartzeko», diote antolatzaileek.

Azoka, Kaleko Elkartasun eta Kultur Elkarteak antolatzen du esklusio ekonomikoa bizi duten pertsonak laguntzeko. Zarauzko Udalak bat egiten du azoka honen helburuekin. Ingurumen departamentuak azpimarratu nahi du berrerabiltzearen garrantzia, hondakinen kudeaketan murriztea, berrerabiltzea eta birzikla-tzea baitira oinarrizko pausoak. Gainera, aldi berean arrazoi ekonomikoak direla eta, gizartean baztertuak dauden pertsonak lagunduko dira azoka honekin.

«Beraz, guztiok animatu nahi zaituztegu, erabiltzen ez dituzuen liburu, CD, DVDak azokara ekartzeko eta bertan interesgarriak izango diren beste ba-tzuk eskuratzeko» diote.

Recibe nuestras newsletters en tu email

Apúntate