Diario Vasco

«Gure eskaerak ez ziren jasoak izan eta ezezkoa eman diogu hasierako onespenari»

  • EH Bilduren proposamena, orokorrean zergak eta tasak izoztea izango litzateke

Zarauzko EH Bilduk, azken udalbatzarrean ezezkoa eman zien 2017ko Ordenantza Fiskalen hasierako onespenari. «Gure eskaerak ez ziren jasoak izan, udal gobernuak % +0,7 ko igoera orokorra eta Hondakinen tasetan % 5-eko igoerak onartu ditu». EH Bilduren proposamenen artean, «abuztuan urte arteko KPIa 0.1eko zenez, gure proposamena, orokorrean zergak eta tasak izoztea izango litzateke».

Ordenantza Fiskala, Ondasun Higiezinen gaineko zerga arautzen duena, adibidez, hobarietan, «familia errenta estandarizatua aplikatzen denean koefiziente berri bat sartzea proposatzen dugu. Koefiziente hau zaintza pertsonala behar duten pertsonei aplikatuko zaie eta 0,3-koa izango litzateke (seme-alaben parekoa)». Era berean, « etxebizitza hutsen OHZ-ren errekargua %150-ra igotzeko asmoa azaldu zuen udal gobernuak aurreko urtean. Ez dugu igoera hori egiten denik ikusten eta gure proposamena, errekargu hau aplikatzen hasi zen garaiko neurrietan oinarrituko litzatekeen adostasun batera iristea».

Ordenantza Fiskala, Hirilurren balioaren gehikuntzen gaineko zerga arautzen duena, karga-tasa zegoen moduan uztea proposatzen dute, %12an. Trakzio Mekanikoko Ibilgailuen gaineko zergan, «hobarietako 4. puntuan, familia ugariei egiten zaien hobarian, errenta faktorea kontuan hartu dadila eskatzen dugu, familia ugari guztiei bideratu baino, beharra duten familiei bideratzeko».

Beste proposamen batzuren artean, EH Bilduk «espazio publikoa irabazteko neurri bezala, autoa bere TAO gunean ez aparkatzeko konpromisoa hartzen duten herritarrei, hau da soilik garajearen erabilera bermatzen bada, Trakzio Mekanikozko Ibilgailuaren zergan %25eko hobaria aplikatzea proposatzen dugu. Hautazko ikuskaritza bitartez erabilera egokiaren jarraipena egin beharko da eta oker aritzen diren herritarrei hobaria kendu beharko zaie».

Recibe nuestras newsletters en tu email

Apúntate