Diario Vasco

«Altxor itzela utzi digun musikari eta irakaslea»

Manolo Urbieta, Kontxi Aizarnarekin, Euromar parean.
Manolo Urbieta, Kontxi Aizarnarekin, Euromar parean. / ETXEBERRIA
  • Musikari, konpositore, pedagogoa... bere abestiak hor geratzen dira betirako

  • Manolo Urbietaren heriotzak makina bat erreakzio utzi zituen atzokoan kultur munduan nahiz kanpoan

Manolo Urbieta atzo hil zen, 82 urte zituela. Joan den astean kalean ikusi genuen, azken urteetan ikusten genuen bezala bere gurpildun aulkian pasian, baina, tamalez, joan zaigu.

Ez da erraza Manoloren bizitza bi hitzetan laburtzea. Musikari, konpositore, pedagogoa... mundua deskubritzeko, batik bat haurren-tzat dozenaka abesti sortu zituen eta hor dihardute generaziotik generaziora: 'Astoa ikusi nuen', 'Euskara oi euskara', 'Txiki txiki txikia'. 'Ranroberra', 'Alaken', 'Mak Mikel', 'Behin betiko', 'Bakarrik eta libre' ... Euskal Herri osoak abesten dituen abestiak

Dozenaka disko ditu 70 hamarkadan ikastolan irakasle hasi zenetik grabaturikoak. Metodologia berri-tzailea erabiltzen zuen, jolasean eta abestien bitartez hainbat ikasgai irakatsi zizkien haur eta gaztetxoei. Ondoren, Txerri Kalen musika eskola zabaldu zuen, gero Donostian Txirula Mirula sortu. Udaberri abesba-tzako zuzendari izateari ere orain hiru urte utzitakoa. Zarauzko musika eskolak ere bere izena darama...

Pirritx, Porrotx eta Marimotots pailazoen disko berriarekin lanean omen zegoen orain ere. Izan ere, lan asko egindako gizona da. Azken urteetan omenaldi dexente jasotakoa. Asko zor diogu Manolori eta bere abestiak hor iraingo dute betirako.

Atzokoan erreakzio ugari sortu ziren Manoloren heriotzaren berri eman zenean: kultur mundukoak eta kanpokoak. Twitter-en makina bat mezu irakur zitekeen, musikariak hainbat belaunalditan utzitako arrasto handia agerian geratuz. Mezu horien artean, Zarauzko Udalarena: «Altxor itzela utzi digun musikari eta irakaslea. Besarkada estu bat familia eta gertukoei». Baita Markel Olano diputatu nagusiarena ere: «Eskerrik asko denagatik, Manolo. Bihotz-bihotzez. Utzi diguzun altxorra betiko biziko da».

Gari Berasaluze aurreko legegin-tzaldian EH Bilduko zinegotzi izan zenak bere garaian Jorge Oteizak hari buruz esandakoak ekarri zituen gogora: «Imanol Urbieta 'apasionado constructor de niños' hitzekin definitu zuen Jorge Oteizak». Txio gehiago ere egin zituen «Umezurtz eta hitzik gabe utzi gaitu. Eskerrik asko guztiagatik».

Antzeko hitzak erabili zituen Koldo Tellitu Ikastolen elkarteko presidenteak: «Umezurtz eta hitzik gabe gaude asko...».

Berri Txarrak taldeak ere gogoan izan zuen musikaria: «Imanol Urbieta joan zaigu. Askok asko zor genion. Kantuan jarraituko dugu».

Juantxo Zeberio musikariak zera zioen: «Zenbat Imanol Urbieta behar ditugun oraindik! Haurrak, kantua, hizkuntza, pasioa, lana, ilusioa...».

Emauseko Gizarteratze zuzendaria eta legebiltzarkidea (EH Bildu) den Nerea Kortajarena izan zen atzokoan bere Twitter-eko kontuan Manolo Urbietarentzat hitzak izan zituenetako beste bat: «Nere haur-tzaroko soinu bandan ezinbesteko bat Imanol Urbieta. Zarautzen orain bi aste agurtzeko aukera izan nuen. Muxu handi bat Imanol». Baita Irabazi Zarautzek ere: «#Imanol Urbieta gogoan, euskara eta musikaren aldeko bizitza osoa eman duzu, gure eskerrik beroenak, goian bego»

Bihar izango da bere aldeko hileta elizkizuna San Joan bataiatzailearen elizan, 19:30ean. Hilbeila Zarauzko tanatorioan egongo da gaur 10:00etatik 13:00etara 15:00etatik hileta elizkizunera arte.

Doluminak seme eta familiartekoei. Goian bego, Manolo!

Temas