Diario Vasco

Gustuko zarata Itxasmendiko jaietan

fotogalería

Narcís Roca . Motoak protagonista bihurtu ziren larunbatean eta bereziki arrakastatsua izan zen Free Styleko pilotuaren emanaldia, ikusgarria eta oso txalotua. / AMAXKAR

  • Eguraldiak gehiegi lagundu ez arren, giro ona eta motorren burrunba nagusitu dira aurtengoan

Festetan zarata izatea ez da batere harritzeko kontua izaten baino Itxasmendin zarata mota ezberdinak izan ditugu. Ohiko musikak eta jendeak sortzen duenaren gainetik, larunbatean motorren zarata ere erantsi zaie jaiei.

Auzoko I. Motorren Kontzentrazioak ibilgailu honen inguruko zale asko erakarri zituen eta egun osoan motor soinu ugari entzun ahal izan zen.

Bereziki arrakastatsua izan zen Narcís Roca pilotuaren erakustaldia. Free Styleko maisuak moto gainean egin daitezken hainbat eta hainbat akrobazia egin zituen zaleen txalo artean eta bai protagonista eta baita jarraitzaileak ere oso pozik atera ziren, bata egindako lanarekin eta harrerarekin eta besteak ikusitakoarekin.

Aurtengo festen barne une oso berezia ere bizi izan dute bertaratutakoak. Jose Mari Zuazobideri auzoak omenaldi berezi bat prestatu zion. Urtetan lanean ibilia da Jose Mari jaiak aurrera ateratzeko eta herri mailan ere oso ezaguna da, Euskal Jaietan bere karrozak nork ez ditu ezagutzen.

Euriak ere omendu nahi izan zuen Zuazobide eta ekitaldia hastear zegoela zaparrada izugarria bota zuen. Xabier Txurruka eta Jon Isasak goiko argazkian ikus daitekeen bezala, oroigarri bat eman zioten Jose Mariri, zeruak etenaldi txiki bat eman zuen unean.

Honek gainera ikusita aurtengo Euskal Jaietan sartu den berrikun-tza orgak egiteko lehiaketarekin, «agian datorren urtean honelako bat egitera animatuko dela», aurreratu zuen eta alkateak antolatuko dela baieztatu ondoren ikusiko dugu zer egiten duen.