Secciones
Servicios
Destacamos
JUAN MARI ZUBIAURRE
Miércoles, 31 de agosto 2016, 00:24
Necesitas ser suscriptor para acceder a esta funcionalidad.
Compartir
Getaria-Zarauzko nesken Gipuzkoako Traineru Ligaren denboraldia amaitu zen larunbatean, Errenteriako uretan. EuskoTren Liga amaitu denez, bertan izan ziren emakumezkoen mailan egun dauden ontzi onenak, hau da, Hibaika, San Juan eta Orio. Denboraldi honetan borroka gogorra izan dute Donostiako neskekin, hasieran lehenak gailentzen ziren, baina hiriburukoek liga aurrera zihoan heinean, aurrea hartu zieten.
Azkenean, 62 puntu bilduta, 4 puntugatik irabazi die Donostiako taldeak. Errenteriako estropadan 3 puntu galdu zituzten, 7. postuan amaitu baitzuten, Hernani eta Deustu azkarrago izan zirelako.
Larunbateko tripulazioa honakoek osatu zuten: Izaro Lestayo patroiak, Aizpea Peña, Amaia Galdos, Elena Urresti, Alaine Bereziartua, Nerea Badiola, Intza Fernandez, Jone Urbieta, Leire Lestayo, Irati Azpeitia, Nagore Arruti, Oihane Odriozola, Izar Azkue eta Jule Egigurenek.
Intzaren balorazioa
Ligaren eta aurrean duten Kontxako sailkapen estropadaren balorazioa egin digu Intza Fernandez (1996, Lasarte) arraunlariak. Bere esanetan, «Ligan gure helburua, lehen hiruei ahalik eta gehien gerturatzea eta banderaren bat lortzen saiatzea izan da. Eta nire ustez bete dugu helburu hori, liga osoan zehar Donostiarrarekin borrokan ibili eta azkenean sailkapen orokorrean gailendu zaizkigun arren».
Baina ostegunean beste aukera bat izango dute euren benetako balioa erakusteko eta gogor presta-tzen ari dira ahalik eta lan txukunena egiteko. «Kontxari begira gaude, aste osoa daramagu hori presta-tzen, eta lehen 5 postutan geldi- tzea da gure helburua, itsasoko estropadetan eroso aurkitzen baikara. Hala ere, Galiziatik beste traineru batzuk etorriko dira eta ez dakigu ze maila emateko gai diren, baina Donostiarraren aurretik gelditu eta postu on bat lortzea dira gure helburuak», azaldu zuen Intzak. Zalantzarik ez dugu duten guztia emango dutela eta hori da, azken finean, kirolari bati eskatu beharrekoa.
Kontxako sailkapena
Bihar osteguna, irailaren 1a, Kontxako sailkapen estropadaren eguna izango da. Bai Getaria-Zarautz nesken trainerua eta baita Enbata mutilena ere, buru belarri dabiltza froga hau prestatzen. Lehenak, esan bezala, Arraun Lagunak ontziaren aurretik amaitu eta lehen bosten artean sailkatzea dute helburu. Bigarrenak, KAE-1 Ligan utzi duten irudi ona mantendu eta Donostiako badian ahalik eta sailkapen onena egitea izango dute nahia, azken finean sailkapen proba hau esperien-tzia oso baliagarria izango da traineru gazte honentzat eta gozatzera aterako dira.
Publicidad
Publicidad
Te puede interesar
El juzgado perdona una deuda de 2,6 millones a un empresario con 10 hijos
El Norte de Castilla
Publicidad
Publicidad
Reporta un error en esta noticia
Comentar es una ventaja exclusiva para suscriptores
¿Ya eres suscriptor?
Inicia sesiónNecesitas ser suscriptor para poder votar.