Xabier Mikel Azparrenek aise irabazi zuen Aizarnazabalen jokaturiko Gervais Memoriala

Azparren, Murgiondo eta Mujika beren sariekin. / DV
Azparren, Murgiondo eta Mujika beren sariekin. / DV

El Diario Vasco
EL DIARIO VASCO AIZARNAZABAL.

Ampo taldeko Xabier Mikel Azparren donostiarrak irabazi zuen Aizarnazabalen jokatu zen Gervais Memoriala, eta beraz, Gipuzkoako erlojuz kontrako txapeldun berria bera da, 21 kilometrotako ibilbidea 27:35eko denboran osatu baitzuen, Ampo taldeko eta iazko irabazle izan zen Xabier Murgiondori 23 segundu kendu zizkiolarik eta Eibar taldeko Mikel Mujika hirugarren sailkatuari, 25; elite emakumezkoen mailan Irene Usabiaga soilik aurkeztu zen eta beraz, berarentzat izan zen txapela. Junior mutilen mailan, CC Irunéseko Telmo Albisu izan zen garaile Ampo-Goierriko Aritz Urrarekin denbora berdina eginez, baina Albisuk 27 zentesima lehenago amaitu zuen bere ibilbidea. Hirugarren sailkatua Ampoko Jon Arakama izan zen, bi hauengandik 4 segundutara iritsi zelarik helmugara. Junior nesketan, Gipuzkoa Ogi-Berriko Arantxa Garikanok irabazi zuen 24:01eko denbora eginez eta talde bereko Amaia Imaz izan zen bigarren sailkatua 32 segundutara. Ulmako Garazi Erostarbek ia bi minutu galdu zituen eta hirugarren sailkatu zen.

Filma Gaztetxean gaur

'Te doy mis ojos' izenburuko filma eskainiko da gaur gaueko 21:30etik aurrera Gaztetxean; bihar berriz, pintxo poteoa izango da arratsaldeko 19:00etatik aurrera Troxka eta Gaztetxearen eskutik eta gaueko 22:30etatik aurrera, kontzertua Gaztetxean Karte eta Breaking Brokkoli taldeekin.

Contenido Patrocinado

Fotos

Vídeos