Urola Kosta Udal Elkarteak 2018ko diru-laguntza deialdia egin du

Igor Iturain berriak ematen. /
Igor Iturain berriak ematen.

Diruz lagunduko dira 2018ko urtarrilaren 1etik abenduaren 31ra burututako jarduerak eta 305.000 euro banatuko dira

JUAN MARI ZUBIAURRE GETARIA.

Urola Kostako Udal Elkarteak 2018ko diru-laguntza deialdia onartu du, ekintzailetasuna, enplegua, inbertsioak eta lankidetza-egitasmoak sustatzeko. Ekitaldi honetan 305.000 euro emango ditu Udal Elkarteak eta diruz lagunduko dira urtarrilaren 1etik abenduaren 31ra burututako jarduerak.

Zuzendaritza Batzordeak oinarriak hilaren 15eko bilkuran onartu zituen eta argitaratu dira Gipuzkoako Aldizkari Ofizialean.

Deialdiak lau diru-laguntza lerro ditu: 1. Jarduera ekonomikoak sor-tzeko diru-laguntzak: enpresak sor-tzeko diru-laguntzak (70.000 euro gorde dira lerro honetarako). 2. Enpleguaren sustapena: langabeak kontratatzeko diru-laguntzak (115.000 euro gorde dira lerro honetarako). 3. Inbertsioetarako diru-laguntzak (90.000 euro gorde dira lerro honetarako. 4. Lankidetza egitasmoak garatzeko diru-laguntzak (30.000,00 euro gorde dira lerro honetarako). 2017ko diru-laguntza deialdian guztira 132 eskabide aurkeztu ziren eta horietatik 111 eskabidek diru-laguntza jaso zuten. Orotara, 205.620,97 euro eman ziren diru-laguntzatan, honela banatuta: enpresa berriak sortzeko 46 diru-lagun-tza (56.700 euro), langabeak kontratatzeko 2 diru-laguntza (15.000 euro), inbertsioetarako 58 diru-laguntza (104.160 euro) eta lankidetza egitasmoak garatzeko 5 diru-laguntza (29.760 euro).

Bete behar diren baldintzak, prozedura, eskabideak baloratzeko irizpideak eta gainerako xehetasunak oinarrietan daude zehaztuta. Interesatuak jo www.urolakosta.eus weborrira.

Contenido Patrocinado

Fotos

Vídeos