Umeek egun biribila pasa zuten atzokoan

Adin guztietarako puzgarriak egon ziren. Halakoak egonda, ez dago aspermenik. Apar festan gustura ibili ziren umeak. / DV

Gaur ostirala, herriko zaindariaren egunean, meza ondoren, sagardo lehiaketa eta txorizo dastaketa izango dira, herritarren arteko bolo txapelketa izango dira

DV AIZARNAZABAL

Apar festan eta nola ez! puzgarrietan ederki gozatu zuten umeek egun guztian zehar; txokolatada, txupinazo eta buruhandiak eta gaueko berbenarekin amaitu zuten eguna.

Gaur, Mikel deunaren eguna, goizeko 10:00etan diana izango da herriko txistulariekin eta ondoren, 11:00etan, meza nagusia. Meza ondoren, XXXIII. Sagardo lehiaketa eta txorizo dastaketa izango dira, herritarren arteko bolo txapelketa ere ospatuko delarik. Arratsaldeko 16:00etan zezen txiki eta poniak eta 18:00etan, IX. Joxe Larrarte memorialaren finalak ospatuko dira.

Txamukos Mariatxien emanaldia izango da iluntzeko 19:30etik aurrera eta gaueko 21:00etan berriz, herri afaria, sagar dantza lehiaketa eta berbena Zesuma taldearekin goizaldera arte egongo dira.

Trikitilari gazteen txapelketa

Bihar goizean, jaiei jarraipena emanez, goizeko 10:30ean elkarrekin jinkana izango da, eta arratsaldeko 16:30ean XIII. Mus eta eskoba txapelketa eskola azpian. Bestalde, Herriko plazan, trikitilari gazten bosgarren trikiti txapelketa izango da, bost bikote partaiderekin: Zestoako Leire Uranga eta Nerea Lopetegi, eta Intza eta Maria Illarramendi, Azkoiti eta Azpeitiko Araitz Etxaniz eta Enaitz alberdi, Lazkaoko Iker Sukia eta Ane Urretabizkaia eta Aizarnazabalgo Izaro Oleaga eta Jurgi Ituarte.

Ondoren, elektrotxarangarekin kalejira izango da eta gaueko 22:30ean bertso jaialdia Atari-Soro frontoian Maialen Lujanbio, Aitor Mendiluze, Iker Zubeldia eta Unai Mendizabalekin; eta 00:30etik aurrera, kontzertua Mesura eta Egurra eta Kittorekin.

Autobus zerbitzu bereziak

Jaien barruan, irailak 30ean, autobus zerbitzu bereziak izango dira Zumaia eta Zestoatik: Zumaiatik gaueko 23:00etan atera tren geltokia eta Patxita Etxezarretatik eta buelta, igande goizaldeko 4:30ean. Zestoatik berriz, 23:30 irten, eta irteera Aizarnazabaldik goizeko 4:00etan.

Fotos

Vídeos