Udalak Bainuetxeko geltokia ahal den eta azkarren martxan jartzea nahi du

Bainuetxeko geltoki berria ez dago martxan oraindik. / K.A.
Bainuetxeko geltoki berria ez dago martxan oraindik. / K.A.

Lanak amaituta Aldundiko Mugikortasun eta Errepideetako zuzendariek dute azken hitza

K. ARRIZABALAGA ZESTOA.

Zestoako Udala kezkatuta azaldu da, Bainuetxeko autobus geltoki berria ez delako martxan jartzen, zenbait erabaki falta direlako, eta horrek erabiltzaileak geltoki zaharrera bideratzen dituelako, honek agerian dituen segurtasun faltarekin (errepidea gurutzatu behar, markesina kenduta dago, abar). Argi utzi behar da Foru Aldundiak egin eta zuzendutako lanak direla hauek, bere onura eta akatsak tarteko, eta Udalak ez duela izan inongo esku hartu zuzenik lan hauekin.

Geltoki berria hasiera batean eraiki zutenean zituen gabeziak konpontzeko, gune txikiegia zen autobusarentzat, arriskutsua trafikoarentzat, abar, konponketa batzuk egin zitzaizkion eta hauek amaituta daude dagonekoz.

Josetxo Mendizabal Zestoako alkatearen esanetan, «Diputazioko Mugikortasun sailetik esan digute hobekuntza honen ikuskaritza egina dagoela, eta informea positiboa dela. Beraz, orain, zuzendariak eman behar du asken on iritzia, geltoki hau erabiltzen hasteko». Segidan, «gai honen inguruan Mugikortasun sailetik jaso dugun azken erantzunak dio gune honen egokitasuna Errepideetako eta Mugikortasuneko zuzendaritza artekoa jarraipen-batzordeko hurrengo bileran aztertuko dela, baina udaletik, bi departamentuekin harremanetan jarri ostean ez dugu erantzunik jaso batzorde hau noiz bilduko den. Udaletxetik garbi utzi nahi dugu ardura non dagoen. Guk erreklamatzen segitzen dugu lehen bai lehen geraleku berria zerbitzuan izan dadin», dio Mendizabalek.

Giza katea

Zestoako Gure Esku Dagok deituta giza katea egingo da igandean, 13:00ean, plazatik irtenda, egun honetan Katalunian ospatuko den galdeketa nolabait babesteko asmoz.

Futbola

Gaur, arratsaldeko 16:00etan, jubenil taldeak partida jokatuko du Iraetan, Azpeitiko Lagun Onak taldearen aurka. Beste talde guztiei etxetik kanpo jokatzea egokitu zaie.

Contenido Patrocinado

Fotos

Vídeos