S/Zoroperi egun borobila, herritarren jai giroak lagunduta aurtengoan ere

Beste behin S/Zoroperi egunean jai giro bikaina izan zen, herritarren jai gose aparta tarteko. Gauza on asko ikusi ziren beste behin egun honetan; esate baterako, urtero legez barazki eta bestelako postuetako kideen prestasuna plaza goiz goizetik dotore eta prest egon zedin, herritarren jai giroa, trikiti eta txistulari taldeen lan isila, jende ugari baserritar jantzi dotoreez apainduta, Zestoako txarangaren ezusteko agerraldia 'Vamos al frontón' doinuarekin ehunka lagun dantzan jarriaz, Egaña eta Maia bertsolariak tabernaz taberna eta hauek izan zuten jarraipen itzela zaleen aldetik, taloak jateko amai gabeko ilarak, abar eta abar.

Dena ordea ez zen jai giroa izan eta egun hainbat emakumeek bizi duten biolentzia mota guziak gaitzesteko izan zen parada, Zestako Txoko Feministak deitutako elkarretaratzearen bidez.

Azkenik, egun honetan baserri munduko produktuen inguruko hainbat lehiaketa izaten dira, eta hauek izan ziren garaileak: XXVIII. Barazki eta Fruita Lehiaketa, lehenengo saria barazkietan: Karmen Etxeberria Irusta (Etxagueazpikoa. Bergara).

Lehenengo saria fruitetan eta Errezil sagar: Jose Antonio Elosegi (Oñatibitxiki baserria, Gabiria).

XX. Urolako Ezti Lehiaketa. 1.go saria: Bitor Larrañaga (Azkoitia), 2., Manuel Odriozola (Zestoa) eta 3. Patxi Zubimendi (Lasao).

XIX. Gazta Lehiaketa. 1.go saria Sarrondo baserria (Arroa), 2., Arbe baserria (Altzolarats) eta 3. Sanbizente baserria (Etorra, Zestoa).

XIX. Sagardo Lehiaketa;1.go saria Ibarrola baserria (Arroa), 2., Azketa baserria (Arroa) eta 3. Azketa errota baserria (Arroa).