Segundo Alkortari omendaldia

Protagonista. Omenaldia Beotibar pilotalekuan egin zioten. Aurreskua eta Segundo Altuna IIIrekin goiko argazkietan. /  ARGAZKIAK TXERU
Protagonista. Omenaldia Beotibar pilotalekuan egin zioten. Aurreskua eta Segundo Altuna IIIrekin goiko argazkietan. / ARGAZKIAK TXERU

Pilotabizi pelotazaleen elkarteak antolatu zuen eta beste hiru lagun ere saritu zituzten Tolosako Beotibarren

JUAN MARI ZUBIAURRE GETARIA.

Betidanik ezagutu dugu Segundo Alkorta pilotariez inguratuta. Urte askoko lana darama bizkar gainean eta beti musu truk. Orain adinean aurrera doala ikusita egindako lan guztiorren aitorpena egiteko garaia heldu zaio eta Tolosako Beotibar pilotalekuan omenaldi berezia egin zioten.

Euskal Herriko kluben arteko IV Pilota Torneo Nazionalaren finalak jokatzen zirela aitzakiatzat hartuta, Pilotabizi pelotazaleen elkarteak kirol honekin lotura handia duten lau pertsona omendu zituzten, eta hauen artean Segundo Alkorta getariarra.

Getariarrarekin batera omenaldia jaso zuten Tomas Ezkurra (Zugarralde), Serafin Ibarra (Markina) eta Maria Jesus Fernandez de Landa (Adurza).

Altuna eta Martínez de Irujo

Gainera, pilotari oso ezagunen babesa izan zuten omenaldian, Jokin Altuna eta Juan Martínez de Irujoren Beotibarren izan baitziren. Egun handia zalantzarik gabe gure Segundorentzat. Zorionak gure aldetik ere. Eta, nola ez, Getariako Gure Txeru arte, kirol eta kultur elkartetik zera esan nahi izan diote: «zorionak eta eskerrak Segundori egiten duen lan ikaragarriagatik pilotaren alde».

Kirol arloan, Euskal Herriko kluben arteko IV Pilota Torneo Nazionaleko finalean Zazpi Iturri eta Irur-tzun aurrez aurre izan ziren eta txapeldun lehenengoak geratu ziren. Denera 17 klubek parte hartu dute lehiaketa honetan.

Ea laster Txeru ere bertan ikusten dugun.

Contenido Patrocinado

Fotos

Vídeos