Ruben Aranburu eta Alazne Irureta, irabazle

Txikienak ere gustora aritu ziren korrika, eguraldiak asko lagungu ez bazuen ere. / ARGAZKIAK: ARRIZABALAGA
Txikienak ere gustora aritu ziren korrika, eguraldiak asko lagungu ez bazuen ere. / ARGAZKIAK: ARRIZABALAGA

Zestoako Herri Krosak 40 urte bete zituen igandean eta eguraldia eskasa izan bazen ere, jende andana hurbildu zen

K. ARRIZABALAGA ZESTOA.

Gauza on asko ikusi genituen igandeko saltaka proban. Batetik eguraldi eskasa izangatik korrikalari andanak hartu zuela parte, bai helduen proban, eta baita ere gaztetxoenetan. Horrek erakusten digu igandean 40 urte bete zituen korrika proba hau korrikalarien barnean dagoela, eta hauek ez dutela zita honekin hutsik egingo.

40 urte bete zituen, garai hartan zenbait herritarrek hau antolatzeko ardura eta lana hartu zutelako. Horrela, igandean hauetako hiruk ondo merezitako omenalditxoa eta txalo zaparrada jaso zituzten: Fatik, Trikuk eta jada gure artean ez dagoen Koiote zenak.

Eta hauek -eta beste batzuk- martxan jarri bazuten ere, ezin utzi aipatu gabe urtero hau antolatzen jarraitu duten herritar pilloa. Zuek gabe ez da posible kirol festa hau. MiIa esker !

Sailkapenak

Ruben Aranburu azpeitiarrak (30 min 12 sg) irabazi zuen igandean Zestoako 40. Herri krosa, 8.500 metrotako ibilbide nagusian; segidan Eder Rodrigez (Galdakao) helmugaratu zen, 8 segundotara, eta hirugarren Anoetako Andoni Saldias, 19 segundotara. Lehenengo herritarra Mikel Nogales (34 min 9 seg) izan zen.

Emakumezkotan berriz, Aizarnazabalen bizi den Alazne Irureta herritarra izan zen azkarrena, (37 min eta 40 seg) eta honekin batera Ohiane Larrañaga (39 min 29 seg) eta Mertxe Uribetxeberria ( 40 min eta 5 seg) zestoarrek osatu zuten podiuma. Bejondaiela herriko korrikalari emakumezkoei !

Ibilbide motzean, 2.600 metrotako luzerakoan, Sara Mancisidor zumaiarra (11: 28) eta Ibai Beracierto (09:33) izan ziren azkarrenak.

Contenido Patrocinado

Fotos

Vídeos