Oriokok ezin golik sartu Astigarragako Mundarrori

Preferente mailako Oriokori kosta egiten ari zaio gola egitea; egia da, jaso ere ez ditu egiten. Hiru partidu jokatu eta hiru berdinketa, eta horietako bi golik gabe. Horixe izan zen Astigarragako Mundarroren aurkako emaitza larunbat arratsaldean Mendibeltz zelaian. Egoitz Mendizabalek ondorengo hamaikakoa atera zuen: Iñigo Gorroño, Iker Urdangarin, Josu Gonzalez de Txabarri (Ramon Erkizia, 37. minutuan), Joseba Areizaga (Mikel Usandizaga, 56), Josu Solaberrieta (Unai Garate, 79), Egoitz Solaberrieta, Hodei Urdangarin (Xabier Requejo, 67), Aitor Iturralde, Iñaki Arriola, Unai Azkue eta Joxe Mari Errasti (Iñigo Agirre, 76). Ea datorren asteburuan, Lezon, Allerruren aurka, lehen garaipena lortzeko gai diren.