Naiara Urresti, hirugarren Euskal Herriko Trikitilari Gazteen Txapelketan

Naiara eta Aitor. Bikote gazte eta bikaina osatzen dute. /  AMAXKAR
Naiara eta Aitor. Bikote gazte eta bikaina osatzen dute. / AMAXKAR

Errezilgo Aitor Uzkudun trikitixarekin eta Naiara panderoarekin aritu ziren Zaldibarren igandean

JUAN MARI ZUBIAURRE GETARIA.

Euskal Herriko Trikitilari Gazteen XXVI. Txapelketan sailkapeneko hirugarren tokia Aitor Uzkudun errezildarrarentzat eta Naiara Urresti getariarrarentzat izan zen joan den igandean. Zaldibarko (Bizkaia) pilotalekuan jokatu zuten txapelketa, eta sei bikotek parte hartu zuten.

Andoni Oruesagasti eta Uxue Kerejeta (126,85 punturekin) izan ziren irabazleak eta bigarren tokian sailkatu ziren Eneko Arbeo eta Mireia Ibabe (126,75 punturekin). Naiara eta Aitorrek 119,70 puntu batu zituzten honela banatuta, 31,30 Bizkaiko trikitixan, 30,40 porrusaldan, 28,30 fandangoan eta 29,70 arin-arinan. Ez da lehen aldia emaitza bikain bat lortzen dutela, aurten Zarauzko Trikitilari gazteen Txapelketan bigarren postua lortu zuten, orduan ere Eneko Arbeo eta Mireia Ibaberen atzetik.

Contenido Patrocinado

Fotos

Vídeos